Disa persona në bashkëpunim me njëri- tjetrin kanë kryer disa vjedhje pjesë automjetesh  dhe aksesorë makinash.

Policia në bashkëpunim me Specialistët për Hetimin  e Krimeve  në komisariatin e Policisë Fier, ka bërë të mundur  identifikimin  e këtyre personave dhe menjëherë është vënë në  ndjekje penale të tyre duke i arrestuar. Të arrestuarit  janë si më poshtë:

1.Mikel Spirakos, 20 vjeç, i dënuar më parë për vjedhje.

2.Enea Ymeralilaj, 24 vjeç, i proceduar më parë për plagosje dhe mosbindje të punonjësit të policisë.

3.Kevin Sinanrrapaj, 22 vjeç, i dënuar më parë për vjedhje.

4.Gerti Meçanaj, 25 vjeç, i dënuar më parë për vjedhje.

5.F.V, 16 vjeç, i dënuar më parë për vjedhje.

Të pestë këta persona janë banues në Ballsh.

Këta persona në bashkëpunim me njëri tjetrin vidhnin pjesë të ndryshme automjetesh dhe aksesorë makinash në qytetin e Fierit në periudha të ndryshme kohore, si dhe dyshohen si autorë të vjedhjeve të disa makinave.

Policia sekuestroi në cilësinë e provës materiale një makinë tip "Benz" e cila dyshohet të jetë e vjedhur.

Materialet i kaluan Prokurorisë pranë Gjykatës së Shkallës së Parë Vlorë për veprën penale "Vjedhje" e kryer në bashkëpunim parashikuar nga Neni 134/2 i Kodit Penal.

a.m/Shqiptarja.com