FIER- Filloi si një dhimbje e lehtë dhe ënjtje në këmbë, dhe mjekët në Shqipëri i thanë së është thjeshtë një “Hipertrofi Muskulore” që kalohet me një kurë të thjeshtë mjekësore, por rezultatet e analizave në një klinike të specializuar në Torino të Italisë ishin shokuese.
 
Personazh i kësaj historie të trishtë është katërvjeçari Arens Kuka nga qyteti i fierit, i cili prej pak kohësh është diagnostikuar nga sëmundje e rrallë kanceroze e quajtur “Ewing Sarcoma”, e cila prek kryesisht fëmijët e vegjël.
 
Kjo sëmundje që fillimisht i preku kockat, tashmë po shkon drejt metastazës, ose ndryshe po prek organet jetësore të tij.
 
Kjo mund të rezultojë fatalë për jetën e vogëlushit katërvjecar, nëse ai nuk i nënshtrohet një mjekimi të specializuar jashtë vendit, por vështirësitë financiare të familjes deri më tani janë bërë pengesë për realizimin e një ndërhyrje të tillë.
 
Babai i tij Elvis Kuka, rrëfen për “A1 Report” momentin kur mori vesh sëmundjen e të birit.
 
“Rreziku është vete jeta kur është e lokalizuar dhe mjekohet rreziku është i vogël. E kemi vizituar këtu pasi vërejtëm që këmba e tij kishte filluar të ënjtej. Kujtuam se e ka pickuar ndonjë insekt. Morëm një rekomandim vajtëm në QSUT, na thanë për një ekografi nga e cila evidentuan një hipertrofi muskulore. Na qetësoi se na tha nuk ka ndonjë problem n hipertrofi muskulore rritjen e fëmijës dhe mund ta mbani nën vëzhgim. Pastaj jemi nisur drejt Italisë pasi s’na dukej një gjë normale dhe një rritje normale. Vajtëm dhe i bëmë vizitë në Torino, i biopsi dhe diagnostikuan këtë lloj tumori. Tumor i rrezikshëm dhe që në 90% te rasteve kap fëmijët e vegjël, është shumë e rrallë te të rriturit. Për ne është e papërballueshme, jam i vetëm që punoj marr 350 mijë lekë, nusja është pa punë, prindërit pensionistë, s’kemi mundësi”, thotë për “A1 Report” babai i vogëlushit.
 
Rroga prej 350 mijë lekësh të vjetra e Elvisit është e vetmja e ardhur e çiftit të ri, që jeta po i vendos përballë një beteje të vështire, fitorja e së cilës pa përkrahje është e pamundur.
 
Ai i bën apel instancave shtetërore, por edhe individëve privatë që të kontribuojnë financiarit për kurimin e djalit tij të vetëm, gjë që është marrë përsipër nga një spital italian, dhe fatura e këtij shërbimi shkon në mbi 40 mijë euro.
 
“I kërkojmë ndihmë Ministrisë së Shëndetësisë që këtë lloj operacioni ta ndiqnin atje ku kemi diagnostikuar që në fillim, shtetit dhe pastaj të gjithë atyre që e kanë mundësinë të na ndihmojnë. Ministrisë së Shëndetësisë jo vetëm për paratë, por edhe për nesër e pasnesër për fëmijë të tjerë që mund të rrezikohen. Kjo është një sëmundje që kërkon sensibilizim publik, pastaj human. Kujtdo që e ka atë mundësi, të na ndihmojë në këtë lloj situate”, shprehet Elvisi.
 
Klodilta, nëna e Arensit, në pamundësi për ta parë vogëlushin si të gjithë bashkëmoshatarët e tij, me lot në sy por plot shpresë, i bashkohet apelit të bashkëshortit për ndihmë.
 
“Ashtu siç tha dhe burri, 4-vjeçari është prekur nga një tumor. E keqja e këtij tumori, është se është i rrallë, ka dhe rrezikshmëri për përhapje në organizëm. Ajo që neve na prek akoma me tepër kujtuam se e kemi të ekzaminuar, por tumori ka filluar në organet jetësore si mushkëri, dhe është situatë shumë e rëndë. Nga te gjitha aspektet situata është shumë e rëndë. Gjëja që ne kërkojmë sepse fëmija është në rrezik, është një ndihme nga Ministria e Shëndetësisë. Është në ndërhyrje që ne kërkojmë ta realizojmë në Itali, për vetë rrezikshmëri që paraqet sëmundja. Do t’i lutesha me shpirt si nënë që jam. Djali ka nevoje për ndërhyrjen. Është e rrezikshme se ka filluar metastazat e para që i kanë prekur edhe mushkëritë”, shprehet nena e Arensit.
 
Teksa sëmundja avancon në heshtje, koha aktualisht është gjëja më çmuar për katërvjecarin, i cili me pafajësinë e moshës që e karakterizon na bën thirrje të gjithëve për t’i ardhur në ndihmë, që dhe ai të ketë të drejtë të shijojë jetën.
 
Kushdo që ka mundësi që t’i vijë në ndihmë Arensit të vogël, qoftë institucion, shoqatë apo individ, brenda dhe jashtë vendit, familja Kuka vendos në dispozicion numrat e llogarisë pranë bankës Reiffeisen
ACC ALL 0590779614,
si dhe ACC EUR 0030779614,
IBAN AL32202210430000000590779614
IBAN AL76202210050000000030779614
Euro swift code SGSBALTX, në lek dhe në euro. 


Redaksia Online
(e.s/shqiptarja.com)