FIER - “Arrest me burg” është masa e sigurisë që Gjykata e Fierit ka dhënë për 32 vjeçarin, Ëngjëll Hodaj, i cili pak ditë më parë ekzekutoi bashkëfshatarin e tij, Eduart Zotaj.

Vendimi i gjykatës përputhej edhe më kërkesësn e Prokurorit të çështjes, ndërsa vetë Hodaj edhe këtë herë e ka pranuar se është autor i krimit, ndërsa mbërritja e tij në gjykatë u shoqërua me masa të forta sigurie. 

Pas një konflikti për motive në një lokal në fshatin Romas të Mallakastrës, Ëngjëll Hodaj në gjendje të dehur ka marrë një arme zjarri tip çifte dhe ka qëlluar në drejtim të 21 vjeçarit, Eduart Zotaj.

Ky i fundit ndërroi jetë, ndërsa i plagosur rëndë në këtë ngjarje mbeti edhe shtetasi, Blerim Beqiraj.

Ndërkohë burime pranë policisë së Fierit bëjnë me dije se Engjëll Hodaj, po hetohet edhe për një vrasje të kryer vite më parë në Greqi, ku dyshohet se 32-vjeçari është autor.

Redaksia Online
(e.c/shqiptarja.com)