FIFA premio 400 milionë dollarë për
ekipet pjesëmarrëse në 'Rusi 2018'

Oragani më i lartë i futbollit në botë ka dhënë një shifër  rekord për kampionatin  Botëror të Futbollit “Rusi 2018”. Shuma e alokuar arrin në 400 milionë dollarë ose 340 milionë  euro për këtë eveniment madhështor të garave sportive.

Komiteti Ekzekutiv në Kalkuta të Indisë ka njoftuar se kjo shifër do tu shpërndahet skuadrave pjesëmarrëse  në këtë kpmpeticion futbollostik me vëmëndje marramëndase në të gjithë botën.

Në kampionatin e mbajtur në Brazil, FIFA ka dhënë  340 milionë  dollarë, por për Rusinë gjërat do të ndryshojnë në  kahun pozitiv, pasi  kemi një fond me 12% më shumë  se katër vite më parë.

Gjatë takimit të Komitetit Ekzekutiv u vendos për krijimin e “Fondacionit FIFA”, ku në këtë fondacion  do të marrin pjesë  dhe do japin kontribut legjendat  e FIFA-s.

Ky fondacion do të jetë aktiv duke filluar që në katërmujorin e parë të 2018-ës.Gjithashtu, në këtë mbledhje u vendos që të gjitha klubeve që kanë fituar Kupën Interkontinentale nga 1960 deri në vitin 2004, ky trofe t’u njihet si Kampion të Botës për Klube.

Redaksia Online
N.M/Shqiptarja.com