Receta

Fileto gici e mbushur me patate furre nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 30 Mars 2023, 12:35 | Përditesimi: 30 Mars 2023, 12:37

Fileto gici me patate

Përbërësit:

1 kg patate
2 kg fileto gici
200 gr djathë të butë
1 karrotë
1 spec
1 lgj mustardë
1 lgj mjaltë
2 lgj vaj ulliri
Lëngu i 1 limoni
Lëngu i 1 portokalli
Lëngu i 5 mandarinave
Piper i zi, piper i kuq
Kripë, rigon

Përgatitja:

LEXO EDHE:
Pulë me oriz në furrë nga zonja Albana

Fillimisht filetojmë biftekun e gicit, e hapim e marinojmë me mustardë, kripë dhe piper. Presim djathin kaçkavall në feta, karrotat në rondele dhe specat në shirita. Vendosim mbi fileton e gicit karrotat, specin dhe djathin dhe e mbështjellim në role dhe e lidhim me spango kuzhine. Patatet i qërojmë, i presim në kubikë mesatare dhe i vendosim në një tas. Përziejmë lëngun e agrumeve me vaj ulliri, kripë, piper, rigon dhe pak mjaltë dhe e hedhim mbi patate duke i marinuar mirë. Vendosim në qendër të tavës fileton e mbushur dhe e vendosim tavën të piqet në furrë të nxehtë në 200 gradë Celsius për 1 orë.

MC/Shqiptarja.com

TAG: