POP 5

Lajmet më të lexuara të 5 minutave të fundit

Ekonomi

Filialet do taksohen si kompani
të pavarura, VIP-at i shmangeshin

Komisioni për Ekonominë dhe Financat miratoi dje dy projektligje që lidhen me çmimin e transfertave dhe kanë të bëjnë me transaksionet e kompanive shumëkombëshe.
Filialet do taksohen si kompani<br />të pavarura, VIP-at i shmangeshin
TIRANE - Komisioni për Ekonominë dhe Financat miratoi dje dy projektligje që lidhen me çmimin e transfertave dhe kanë të bëjnë me transaksionet e kompanive shumëkombëshe: “Për një shtesë në ligjin nr. 9920, datë 19.05.2008 “Për procedurat tatimore në Republikën e Shqipërisë” të ndryshuar”” “Për disa shtesa dhe ndryshime në ligjin nr. 8438, datë 28.12.1998 “Për tatimin mbi të ardhurat” të ndryshuar””.

Zëvendësministri i Financave, Ervin Mete në fjalën e tij përpara anëtarëve të komisionit vuri në dukje se dy nismat e propozuara, janë rezultat i bashkëpunimit të ngushtë me IFC-në (International Finance Corporation) dhe OECD. “Çmimi i transfertave rregullohej në ligjin për tatimin mbi të ardhurat, por mungonte detajimi, çka e bënte të pazbatueshëm. Në kushtet kur transfertat kryhen nga korporata multinacionale ndryshimet e propozuara marrin një rëndësi të dorës së parë,” tha Mete.

Duke iu referuar udhëzuesve të publikuar nga OECD për këtë çështje, zv.ministri sqaroi se vendoset parimi i tregut mbi transaksionet e kompanive të ndryshme dhe për efekte fiskale kompani të cilat i përkasin të njëjtës korporatë do kryejnë transaksione dhe do të paguajnë çmimin përkatës si të ishin kompani të pavarura.

Në p/ligj vendoset detyrimi për deklarimin e transaksioneve mbi një vlerë të caktuar, si dhe rritet dokumentimi i transaksioneve që kryhen dhe rriten mjetet dhe kapacitetet e organeve tatimore për të kontrolluar këto transaksione. Një tjetër ndryshim i rëndësishëm ka të bëjë me marrëveshjen paraprake të çmimit të transfertës mes organeve tatimore.

Shkrimi u publikua sot (22.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51