POP 5

Lajmet më të lexuara të 5 minutave të fundit

Arkiva

Filipine, 10 mijë të vdekur
tajfuni Haiyan drejt Vietnamit

Gjunjëzohen Filipinet pasi tajfuni Haiyan mendohet të ketë shkaktuar gati 10 mijë viktimave. Të hënën drejt Vietnamit.
Dje u raportua per 1200 të vdekur
LEYTE - Gjunjëzohen Filipinet pasi tajfuni Haiyan mendohet të ketë shkaktuar gati 10 mijë viktimave, ndërsa ka lënë pas shkatërrime dhe dëme të jashtëzakonshme.
 
Haiyan rezulton të jetë tajfuni më shkatërrues që ka goditur ndonjëherë vendin.
 
Raportimet e policisë flasin për afro 10 mijë të vdekur, ku pjesa më e madhe e tyre mbetën të bllokuar nën gërmadhat e ndërtesave të shembura ndërsa shumë të tjerë ranë viktimë e furisë së ujit.
 
Provinca më e goditur duket të jetë Leyte, në qendër të Filipineve.
 
“Bëmë një mbledhje me guvernatorin e provincës dhe bazuar në përllogaritjet e qeverisë, janë gati 10 mijë të vdekur”-tha për mediat Elmer Soria, drejtues i lartë i policisë.

Ndërkaq janë gati 4 milionë personat e zhvendosur, ndërsa gjysmë milioni ndodhet nëpër qendrat e evakuimit. Numri më i madh i viktimave është regjistruar në qytetin Tacloban, kryeqytet i provincës Leyte, në qendër të arqipelagut.

Super tajfuni, i kategorisë 5 vërshoi në Filipine, fillimisht në provincën Cebu, pas shkatërrimeve në disa fshatra bregdetarë me erëra që arrinin deri në 315 km në orë. Ndërkaq janë pezulluar totalisht trafiku i tragetëve, autobusëve dhe rreth 200 fluturime janë anulluar.

Ndërkohë 600 mijë persona janë evakuar në Vietnam ku tajfuni pritet të mbërrijë të hënën në mëngjes, 24 orë më vonë nga sa ishte parashikuar. “Kemi evakuar më shumë se 174 mijë shtëpi, me më shuëm se 600 mijë persona” ka thënë zyrtarët e Vietnamit.

Cdo vit, Filipinet goditen nga dhjetra stuhi tropikale dhe tajfunë, Haiyan është stuhia e 24-t që godet vendin vetëm këtë vit. Arqipelagu është veçanërisht bastioni i parë i tajfunëve që krijohen në Oqeanin Paqësor.

(sg/shqiptarja.com)

/Shqiptarja.com
  • Sondazhi i ditës: 13 Mars, 08:44

    Zgjedhjet e 11 majit, cila listë e kandidatëve iu bind më shumë?

Lajme të tjera



×

Lajmi i fundit

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

Sondazhi i Pepolit/ Rama merr mandatin e katërt më 11 maj me 50.5% të votave! Berisha me aleatët forcë e dytë, por me rënie! Lapaj renditet i treti

13 Mars, 22:50