POP 5

Lajmet më të lexuara të 5 minutave të fundit

Sociale

Fillimi i sezonit turistik në Durrës gjen të papërgatitur operatorët turistikë! Rritja e çmimeve të produkteve shtrenjton paketat turistike

Operatorët turistikë në Durrës e cilësojnë të mbarë këtë fillim sezoni pasi 90 për qind e kapaciteteve janë prenotuar. Fluksin më të madh e zënë turistët polakë, dhe ata nga vendet nordike. Çmimet e paketave janë rritur si pasojë e shtimit të kostove. Përfaqësuesit e hoteleve thonë se për të zgjidhur krizën e punësimit kanë rritur pagat me 30 për qind dhe po ofrojnë kontrata vjetore. 

Fluksi i fillimit të sezonit turistik duket se i ka gjetur strukturat hoteliere në Durrës të papërgatitura. Turistët nordikë zënë 90% të rezervimeve.

“Deri më 31 mars rezervimet dy here më të larta se e njëjta periudhë e vitit të kaluar. Ndaj mendoj se këtë sezon do të ketë prurje më të lartë të turistëve”, tha Blerim Norja, administrator i një hoteli.

Përveç strukturave hoteliere të cilat punojnë me agjenci të huaja turistike, ka edhe operatorë të tjerë të cilët bazohen tek rezervimet individuale nëpërmjet Booking apo Airbnb.

“Kemi rezervime indivuale nga të gjitha vendet e botës, por mund të them se kryesojnë ata nga vendet nordike”, tha Flavio Farruku, pronar i një tjeter hoteli në Durrës.

Rritja e kostove të produkteve, është reflektuar edhe në çmimet e paketave të rezervimeve.

“Çmimet kanë pësuar rritje për shkak të rritjes së lëndës së parë dhe mungesës së fuqisë punëtore. Rritja 15-20 për qind e çmiemve”, u shpreh Norja.

Sfida për sektorin e turizmit mbetet mungesa e fuqisë punëtore gjatë sezonit veror, ndërkohë që si zgjidhje po shikohet punësimi me kontrata vjeçare dhe jo sezonale, si një mjet për të joshur punonjësit.

“Nëse i marrim në sezon dhe i largojmë në dimër është e vështirë të kthehen tek ne. Pagat janë rritur deri në 30 për qind”, thanë më tej ata.

Duket se viti 2023 për strukturat hoteliere në qytetin e Durrësit, do të jetë frytdhënës pasi që tani prenotimet kanë ezauruar 90% të kapacitetit.

B.V/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

PAMJE/ Rruga e plazhit të Shëngjinit me gropa, Prefektuara e Lezhës: Rikonstruksioni, përgjegjësi e ARRSH-së

PAMJE/ Rruga e plazhit të Shëngjinit me gropa, Prefektuara e Lezhës: Rikonstruksioni, përgjegjësi e ARRSH-së

10 Janar, 17:58 nga Elvis Hila