Fillon viti shkollor me abetaren kombëtare

Ministria e Arsimit i ka bërë të gjitha përgatitjet që viti i ri shkollor 2012/2013 të fillojë në gjithë Kosovën. 

Në këtë vit, bankave shkollore për herë të parë u drejtohen 36 mijë e 261 nxënës. 

Sipas njoftimeve, mësimi do të fillojë në të gjitha shkollat, me përjashtim të atyre institucioneve shkollore, në hapësirat e të cilave po vazhdojnë renovimet. 
Ky është viti i parë shkollor në të cilin mësimi fillon me Abetaren e përbashkët të gjeografisë kombëtare.

 Me rastin e fillimit të vitit të ri shkollor, drejtuesit institucionalë të vendit i kanë uruar nxënësit, mësimdhënësit dhe prindërit për vit të mbarë shkollor.

/rg/shqiptarja.com/