POP 5

Lajmet më të lexuara të 5 minutave të fundit

Bota

Filmuan protestat kundër Lukashenkos, dënohen gazetarët e Belsat TV

Një gjykatë bjelloruse ka marrë sot vendimin për të burgosur dy gazetarë për dy vjet me akuzat e nxitjes së protestave dhe filmimin e një mitingu kundër udhëheqësit të vendit.

Filmuan protestat kundër Lukashenkos, dënohen gazetarët e Belsat TV

Një gjykatë bjelloruse ka marrë sot vendimin për të burgosur dy gazetarë për dy vjet me akuzat e nxitjes së protestave dhe filmimin e një mitingu kundër udhëheqësit të vendit.

Katerina Andreyeva, 27, dhe Daria Chultsova, 23, u arrestuan në Minsk në nëntor ndërsa transmetonin drejtpërdrejt një protestë të paautorizuar. Gazetarët punonin për TV Belsat me bazë në Poloni. Protestat masive u zhvilluan në të gjithë Bjellorusinë pasi Alexandër Lukashenko pretendoi fitoren në zgjedhjet presidenciale në gusht të konsideruara gjerësisht si të manipuluara.

Lukashenko është në pushtet që nga viti 1994 dhe të Mërkurën një nga kundërshtarët e tij doli në gjyq.

Ish-bankieri Viktor Babaryko u ndalua të marrë pjesë në zgjedhje dhe u arrestua në qershor. Ai akuzohet për marrje ryshfeti dhe pastrim parash.  Pas zgjedhjeve të diskutueshme të gushtit, opozita organizoi demonstrata të mëdha çdo të Dielë, zakonisht me më shumë se 100,000 njerëz. Qeveritë perëndimore dhe vëzhguesit e të drejtave të njeriut dënuan fitoren e Lukashenko sitë manipuluar. BE shtoi atë dhe djalin e tij Viktor në listën e zezë të sanksioneve të zyrtarëve të Bjellorusisë.

Hetuesit në çështjen Belsat pretenduan se gazetarët e TV, të cilët filmuan nga kati i 14-të i një apartamenti në 15 nëntor, kishin inkurajuar bllokimin e trafikut, pasi 13 linja autobusi kishin ndaluar lëvizjen po ashtu edhe linjat e trolejbusit dhe tramvajit. Belsat raporton se rrugët e transportit të specifikuara nuk përfshinin sheshin ku gazetarët po filmonin. Kritikët e shohin gjyqin si pjesë të një goditje të përgjithshme ndaj mediave të pavarura në Bjellorusi.

/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

U konfliktua me doganierin, nis hetimi për shefin e stacionit të Policisë Kufitare Kapshticë

U konfliktua me doganierin, nis hetimi për shefin e stacionit të Policisë Kufitare Kapshticë

14 Janar, 23:55