Sot është dita! Luhet Tottenham- Liverpool, ndeshja finale ku do të përcaktohet fituesi i trofeut më të lakmuar në botën e futbollit për klube, Champions League. Dy skuadrat angleze erdhën në këtë finale me një përmbysje spektakolare; Liverpool triumfoi ndaj Barcelonës me rezultatin 4-0, e ndërsa Tottenham fitoi ndaj suprizës së këtij kompeticioni, Ajax-it të talenteve të reja, 3-2...sot do të ketë vetëm një fitues!
Është e pamundur të parashikosh atë që pritet të ndodhë sot në fushën e blertë të "Wanda Metropolitano Stadium", në Madrid, por statistikat mund të na ndihmojë për të krijuar një panoramë paraprake.
-Në 14 takimet e tyre të fundit, djemtë e Jurgen Klopp kanë fituar 13 prej tyre, e ndërsa kanë humbur vetëm një ndeshje.
-Në total Tottenham dhe Liverpool janë takuar 170 herë në të gjitha garat, Reds fituar 79 ndeshje, Spurs '48, e ndërsa ka pasur 43 barazime.
-Në historinë e Champions League, 6 finale janë luajtur mes dy skuadrave nga i njëti vend
- Liverpool do të shkojë në vendin e tretë në podiumin e nderit të Ligës së Kampionëve, pas Real Madrid dhe Milan që kanë respektivisht nga 13 dhe 7 trofe
-Nëse "Reds" do të mundin Spurs, do ta fitojnë këtë trofe për herë të gjashtë.Tottenham ka herën e parë që shkon në finale
- Spurs janë klubi i 40-të që arrin finalen e Ligës së Kampionëve dhe të parët debutues që nga viti 2008, kur kishte shkuar Chelsea. Ata mund të bëhen ekipi i 23-të që e fiton këtë kupë Europiane.
-Në sondazhet e bëra, 72% e votuesve mendojnë se Champion League, për këtë sezon do të shkojë për Liverpool, e vetëm 28% e tyre mendojnë se Spurs kanë një shans për të fituar titullin e parë europian.