Kupa e Shqipërisë/ Egnatia mund 0-1 Kukësin dhe merr trofeun e dytë radhazi në histori, Tirana në Evropë nga divani

Kupa e Shqipërisë/ Egnatia mund 0-1 Kukësin dhe merr trofeun e dytë radhazi në histori, Tirana në Evropë nga divani

Egnatia ngre trofeun e Kupës së Shqipërisë

FT/ Kukësi 0-1 Egnatia (Ndreca 38')

TIRANË - Egnatia ka mundur 0-1 Kukësin në finalen e Kupës së Shqipërisë (edicioni 72) dhe rrogozhinasit vijojnë të mbajnë fronin në këtë turne, teksa ky është suksesi i dytë radhazi. Në "Air Albania" ndeshja ishte me ritëm të lartë, teksa edhe VAR u fut në lojë.

Ndeshja nisi më mirë për Egnatian, që pa më shpejt drejt portës kundërshtare. Në të 24 minutë Kukësi u detyrua të nxirrte nga fusha Dragoshin për t'i bërë vend Hasajt. Duhej e 38 minutë që një ish si Edison Ndreca të shënonte dhe t'i jepte epërsinë dhe për rrjedhojë trofeun Egnatias.

Në fraksionin e dytë Kukësi u duk më kërkues, duke humbur një rast të mirë me Franci Lalën, por pa mundur të ngacmojë portën e Sherrit. Në minutën e 79, edhe me ndihmën e VAR Egnatia fitoi një penallti për prekje të topit me dorë në zonë.

Nga 11 metra largësi braziliani Fernando u ndal nga Tafas që kuptoi krahun, por që në fund verilindorët nuk ia dolën të merrnin trofeun e tretë. Kështu, Egnatia siguron trofeun e dytë në Kupën e Shqipërisë, teksa do luajë edhe në "Final 4" për të tentuar edhe trofeun e Superligës.

Nga ana tjetër Kukësi nuk ia del ta mbyllë sezonin me trofe, teksa sezonin e ri do jetë pjesë e Kategorisë së Parë duke u rrëzuar pas 12 vitesh nga elita e futbollit shqiptar.

Me suksesin e Egnatias në Kupë përfiton edhe Tirana, që do jetë një nga ekipet pjesëmarrëse në fazën eliminatore të Conference League. Egnatia, e renditur e para në sezonin e rregullt e kishte të sigurt vendin në Evropë, ndërsa tani suksesi në Kupë i hap rrugë një tjetër ekipi.

Në mungesë të Skënderbeut (vendi 4 në Final Four) të dënuar nga UEFA me dhjetë vite pezullim nga Evropa (i kanë mbetur edhe tre), është Tirana që merr një vend në Evropë edhe pse u rendit në vendin e pestë në Superligë.

Komentet e rëndësishme:

90+5' Mbyllet 0-1 ndeshja. Egnatia fituesja e Kupës së Shqipërisë.

79' Fernando gabon penalltinë te Egnatia, pret Tafas. Kukësi shpreson për barazimin.

53' Franci Lala s'u beson syve, e majta e mbrojtësit të Kukësit shkon jashtë. Verilindorët shtojnë sulmet.

46' Nis pjesa e dytë, Kukësi kërkon barazimin.

45' Mbyllet 0-1 pjesa e parë.

38' Egnatia kalon në avantazh me Edison Ndrecën pas një aksioni nga e djathta. Festë e "çmendur" nga një ish si Ndreca, që shënon golin e katërt sezonal.

1' Nis ndeshja në 'Air Albania', tifozët e Egnatias shpalosin një fanellë gjigante të ish-kapitenit të ndjerë, Raphael Dëamena.

Tifozët e Egnatias nderojnë Raphael Dëamenan

Formacionet zyrtare:

Kukësi: Tafas, Lamçe, Lala, Reçi, Zhongo, Lleshi, Dragoshi, Mingo, Fejzaj, Salami, Solodovnikov Trajner: Bledar Devolli

Egnatia: Sherri, Dulis, Malota, Xhemajli, Ndreca, Fangaj, Ahmetaj, Zejnullai, Fernando, Ibrahimoglu, Montenegro Trajner: Edlir Tetova

Rendit zhvillimet sipas orarit:
Ora 21:53
VIDEO/ Fitoi Kupën me Egnatian, portieri Alen Sherri propozon në fushë të dashurën

 
Egnatia për të dytin vit radhazi është fituese e Kupës së Shqipërisë. Lojtarët rrogozhinas kanë festuar në fushën e "Air Albania", ndërsa një moment i veçantë ndodhi me portierin shkodran, Alen Sherri.

Ky i fundit ftoi të dashurën në fushë dhe në prani të ekipit dhe trofeut u ul në gjunjë dhe i propozoi për martesë. Ajo tha "po".

S.DH/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    A duhet miratuar rezoluta anti-korrupsion e propozuar nga PS?



×

Lajmi i fundit

Bastisja në hipermarket në Kharkiv: 11 të vdekur dhe 60 të plagosur

Bastisja në hipermarket në Kharkiv: 11 të vdekur dhe 60 të plagosur