POP 5

Lajmet më të lexuara të 5 minutave të fundit

Sport

Barcelona me dhjetë lojtarë turpëron Real Madridin, e përmbys 2-5 dhe merr trofeun e Superkupës së Spanjës

Barcelona fitoi 2-5 me përmbysje kundër Real Madridit dhe siguroi trofeun e 15-të në histori të Superkupës së Spanjës. Trajneri Hansi Flick shijon kështu trofeun e parë me Barçën.

Barcelona me dhjetë lojtarë turpëron Real Madridin, e përmbys 2-5 dhe merr trofeun e Superkupës së Spanjës

Barcelona feston me trofeun e Superkupës së Spanjës

FT/ Real Madrid 2-5 Barcelona (Mbappe 5', Rodrygo 60' / Yamal 22', Lewandowski 36', Raphinha 39', 48', Balde 45+10')

Jeddah, Arabia Saudite - Barcelona fitoi 2-5 me përmbysje kundër Real Madridit dhe siguroi trofeun e 15-të në histori të Superkupës së Spanjës.

Finalja 'Klasike' e zhvilluar në Jeddah ishte e mbushur me emocione në gjithë 90 minutat e zhvilluara, me katalanasit që përmbysën gjithçka edhe pse e mbyllën me dhjetë lojtarë ndeshjen.

Sfida nisi mirë për Realin, që kaloi në epërsi pas vetëm pesë minutave lojë me Mbappe. Ekipi i Hansi Flick u përgjigj me Yamal në të 22 minutë për të vendosur ekuilibrat. Pas këtij momenti Barça "u ndez" dhe shënoi edhe tre herë të tjera brenda pjesës së parë me Lewandowskin, Raphinhan dhe Balde.

Nisja e fraksionit të dytë nisi siç u mbyll i pari, me Raphinhan që shënoi golin e pestë duke turpëruar "Galaktikët". Në minutën e 56-të Barça mbeti me një lojtar më pak pas daljes me karton të kuq të portierit Szczesny për një ndërhyrje të gabuar nga jashtë zonës.

Goli i Rodrygo në minutën e 60-të shërbeu sa për statistika dhe gjithë ndeshja u mbyll 2-5 me dominimin absolut të Barcelonës.

Pasi i mposhti 0-4 në "Bernabeu" në 26 tetor 2024, Barça përsërit sërish suksesin në "El Clasico", por këtë herë ngre lart edhe trofeun e kampionit të Superkupës së Spanjës duke nisur vitin 2025 mbarë. Te madrilenët Ancelotti duket se ka shumë punë përpara. Trajneri Hansi Flick shijon kështu trofeun e parë me Barçën.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Zyrtare/ Nga Polonia në Slloveni, Jurgen Çelhaka ndryshon ekip

Zyrtare/ Nga Polonia në Slloveni, Jurgen Çelhaka ndryshon ekip

12 Janar, 22:57