POP 5

Lajmet më të lexuara të 5 minutave të fundit

Sport

Finalja e Superkupës/ Sonte Real Madrid-Barcelona! Ancelotti me rekord të pathyeshëm, Xavi do trofeun e parë: Më motivon italiani

Sytë e dashamirsëve të futbollit do jenë sonte drejtuar në Riad të Arabisë Saudite ku në orën 20:00 do përballen për Superkupën e Spanjës Real Madrid dhe Barcelona. Katalanasit janë në kërkim të trofeut të parë nën drejtimin e Xavit, ndërsa ‘madrilenët’ duan të shtojnë në palmaresin e tyre një tjetër kompeticion.

Finalja e Superkupës/ Sonte Real Madrid-Barcelona! Ancelotti me rekord të pathyeshëm, Xavi do trofeun e parë: Më motivon italiani

Trofeu i Superkupës me Benzema-n dhe Lewandowski-n

Këtë të dielë në orën 20:00 do të luhet El Clasico mes Real Madrid dhe Barcelonës e vlefshme për Superkupën e Spanjës. Siç dihet tashmë superpërballja zhvillohet në Riad të Arabisë Saudite ku Real Madrid stërvitjen e fundit e ka kryer me prezencën e Cristiano Ronaldo-s, i transferuar nga janari te skuadra e Al Nassr.

Si Reali ashtu edhe Barcelona vijnë në këtë finale të kualifikuar me penallti, ndërsa ndryshe nga ‘blaugranët’ galaktikët kanë disa mungesa. Alaba dhe Tchoumeni e kanë humbur finale, ndërsa në pikëpyetje janë Camavinga dhe Militao.

Për t’u theksuar se Ancelotti nuk ka humbur asnjë finale me Real Madrid, e fundit në 2010 kur drejtonte Chelsea-n. Mirëpo përballë ka Xavi-n, i cili kërkon trofeun e parë nën drejtimin e Barcelonës. Trajneri katalanas thotë se e motivojnë statistikat e pathyeshme të italianit, ndërsa shtoi se ‘me një titull në xhep ai dhe skuadra do shihen me sy tjetër’. Sakaq Ancelotti u kujdes të konfirmonte se ‘Real Madrid nuk është një skuadër e ngopur me trofe, pasi konkurenca kërkon të fitosh sa më shumë’.

Dy skuadrat e mëdha të Spanjës dhe jo vetëm i kanë llogaritë të hapura edhe në La Liga. El Clasico-n e parë të sezonit e fitoi Real Madrid, mirëpo Barcelona aktualisht udhëheq kampionatin me 3 pikë më shumë se ‘galaktikët’. Sonte ndërkohë do jepet verdikti i parë i sezonit në Spanjë.

Ne.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Tragjedia në Shkodër, a duhet gratë të denoncojnë çdo formë dhune?

Lajme të tjera



×

Lajmi i fundit

Kurti kërkon që normalizimi i raporteve me Serbinë të mos përzihet me KiE-në

Kurti kërkon që normalizimi i raporteve me Serbinë të mos përzihet me KiE-në

6 Maj, 20:05