POP 5

Lajmet më të lexuara të 5 minutave të fundit

Ekonomi

Financat, 85 mln USD më pak
në buxhet, investimet - 27 %

Rezultatet e të ardhu- rave dhe shpenzimeve buxhetore për 6-mujorin tregojnë se edhe tremujorin e dytë nuk është arritur të përmirësohet gjendja e financave publike. Taksat nga biznesi i vogël, investimet e tatimfitimi janë shumë më të ulët se një vit më parë
Financat, 85 mln USD më pak <br />në buxhet, investimet - 27 %
Edhe tremujori i dytë përfundoi me një bilanc shumë negativ në realizimin e zërave të buxhetit të shtetit. Sipas statistikave të ministrisë së Financave për periudhën janar-qershor, këtë vit të ardhurat janë afro 85 milionë dollarë më të ulta se ajo që parashikohej, me një rënie 5.4 për qind. Këtu ka ndikuar realizimi shumë i ulët i tatimfitimit, që ka qenë 27 për qind nën planin, por madje 22 për qind më i ulët se në të njejtën periudhë të një viti më parë. E njejta gjë edhe për tatimin mbi të ardhurat personale, që ulet 2.1 për qind krahasuar me 2011-ën dhe 5.4 për qind me planin. Biznesi i vogël duket se i ka punët më keq nga të gjithë, me një diferencë prej 36.5 përqindësh krahasuar me shifrën e arkëtuar një vit më parë. Po kështu, TVSH ka qenë 7.4 për qind nën planifikimin dhe akciza 9.8 për qind më poshtë. Totali i të ardhurave jotatimore është rritur u me 2.9 miliardë lekë, si rrjedhojë e shtimit të zërit "të tjera", ku hyjnë gjobat, me 3.2 miliardë lekë, ndërkohë, që brenda kësaj kategorie, transferimi i fitimit nga Banka e Shqipërisë ka shënuar një rënie me rreth 20%.
Të ardhurat nga kontributet për sigurimet shoqërore shënojnë sërish rënie, me një rezultat 1.4 për qind më të ulët se planifikimi, por kontributet shëndetësore kanë shënuar rritje afro 13 për qind.

Në të njejtën kohë, shpenzimet kanë qenë vetëm 1% nën planin. Shpenzimet operative dhe ato të mirëmbajtjes qeveria nuk ka mundur t'i përmbajë dot dhe ato kanë shënuar një rritje në masën 25.1 për qind nga niveli i planifikuar me ligjin përkatës. Ndërkohë, investimet janë në ulje, 10 për qind nën planifikimin dhe 27 për qind më të ulta se një vit më parë. Në këtë mënyrë, ndryshe nga sa ka deklaruar kryeministri Berisha, janë sakrifikuar fonde buxhetore që mund të sjellin përfitim, si shpenzimet kapitale, në favor të atyre jorentabël. Shpenzimet për paga të buxhetorëve janë 2 për qind më të larta se kuota e parashikuar dhe 2.4 për qind më të larta se fakti i vitit 2011 në këtë zë.

Në këto kushte, deficiti buxhetor rezulton si gjashtëmujor rreth 79 për qind më i lartë se sa parashikohej nga ligji për buxhetin e shtetit 2012. Financimi i brendshëm i këtij deficiti është realizuar me një rritje më se 200 për qind nga planifikimi, ndërkohë që huamarrja direkte e brendshme ka qenë 2.6 herë më e lartë. Financimi i huaj ka qenë më i ulët, por është rritur 10 për qind huamarrja afatgjatë.
(gk/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Siç i kopjojmë Italisë turizmin, gatimin, modën, sa më shpejt dhe sistemin shëndetësor!

Siç i kopjojmë Italisë turizmin, gatimin, modën, sa më shpejt dhe sistemin shëndetësor!

25 Nëntor, 15:43 nga Alba Malltezi