POP 5

Lajmet më të lexuara të 5 minutave të fundit

Ekonomi

Financat: Fillon nesër pagesa
për punonjësit e administratës

Burime nga Ministria e Financave pohuan për Shqiptarja.com se nga dita e nesërme do të jepen pagat për muajin dhjetor 2012, që deri tani nuk kanë kaluar në sistemin bankar. Dje Qeveria mori borxh 195 milionë euro
Financat: Fillon nesër pagesa <br />për punonjësit e administratës
TIRANE - Burime nga Ministria e Financave pohuan për Shqiptarja.com se nga dita e nesërme do të jepen pagat për muajin dhjetor 2012, që deri tani nuk kanë kaluar në sistemin bankar.

“Kalimi në sistem i pagesave përfundon totalisht në mesditë. Drejtoria e Thesarit po punon edhe në këto momente për të hedhur në sistem të gjitha të dhënat. Përfundoi Ministria e Brendshme, Arsimit, pensionet, ndihma ekonomike dhe Ministria e Punës”, deklaroi zyra e shtypit e Financave.

Moslëvrimi në kohë i fondeve për pagat e administratës dhe pensioneve kanë ardhur për shkak të vonesës së listë-pagesave nga zyrat e financave në institucione, është shprehur Kryeministri Sali Berisha, gjatë mbledhjes me ministrat e kabinetit.

Ndërsa mbështetja financiare e energjisë për shtresat në nevojë është vonuar për shkak të ndryshimit të llogaritjes së sasisë së konsumuar, shtoi ai. Kryeministri është shprehur gjithashtu se mbështetja financiare për shtresat në nevojë është 5-fishuar dhe se buxheti vjetor i parashikuar për invalidët arrin në 13 miliardë lekë.

Ndërkohë në një konferencë për shtyp, Partia Socialiste denoncoi këtë vonesë. Eglantina Gjermeni deputete e PS u shpreh se “ditët e para të 2013-ës, listës së dhjetëra mijëra personave me aftësi të kufizuar, të cilët prej muajsh tanimë nuk marrin pagesën e paaftësisë, u shtohen edhe rreth 90 000 punonjës të administratës publike, mësues, mjekë, infermierë, etj”.

Redaksia online
(eç/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin

Zbërthimi i SkyECC/ Mes 21 masave sigurie edhe emri i Prek Kodra, në 2021 u akuzua se do të vriste Albin Kurtin

26 Nëntor, 10:29