POP 5

Lajmet më të lexuara të 5 minutave të fundit

Ekonomi

Financat kanë nevojë për likuiditet
Në shitje 30 mln euro bono thesari

Në pamundësi për t’iu drejtuar tregjeve ndërkombëtare përmes një eurobondi, kur të ardhurat buxhetore po pakësohen vazhdimisht, qeveria ka vendosur që, nëpërmjet dy ankandeve të organizuara nga Banka e Shqipërisë, të nxjerrë në shitje bono thesari 12-mujore në euro, në total 30 milionë euro.
Financat kanë nevojë për likuiditet<br />Në shitje 30 mln euro bono thesari
TIRANE - Në pamundësi për t’iu drejtuar tregjeve ndërkombëtare përmes një eurobondi, kur të ardhurat buxhetore po pakësohen vazhdimisht, qeveria ka vendosur që, nëpërmjet dy ankandeve të organizuara nga Banka e Shqipërisë, të nxjerrë në shitje bono thesari 12-mujore në euro, në total 30 milionë euro. Ankandi i parë do të zhvillohet më 24 korrik për 15 milionë euro dhe ankandi i dytë do të zhvillohet më 21 gusht, sërish me shumën 15 milionë euro.

Individët mund të marrin pjesë në ankandet e bonove te thesarit nëpërmjet subjekteve të liçensuara nga Autoriteti i Mbikëqyrjes Financiare: Banka Raiffeisen, Banka Intesa SanPaolo, Banka Kombëtare Tregtare (BKT), Banka e Tiranës, Banka Credins, Alpha Bank dhe Banka e Parë e Investimeve (FIB).

Sipas burimeve zyrtare nga ministria e Financave, aktualisht ky dikaster po ndërmerr një fushatë sensibilizuese përmes spoteve televizive, si dhe fletëpalosjeve, të cilat do të shpërndahen në të gjithë vendin, me qëllim informimin e qytetarëve se pse ata duhet të investojnë në bono thesari dhe obligacione. Këto do të shpërndahen edhe në të gjitha pikat kufitare për të informuar emigrantët që kthehen në Shqipëri se kursimet e tyre duhet t'i investojnë në bono thesari dhe obligacione të emetuara në euro, duke qenë investimi më i sigurt dhe më fitimprurës, pasi normat e interesit të investimit në bono thesari dhe obligacione janë më të larta se ato të depozitave.

Një ankandi i tillë është zhvilluar në fund të muajit dhjetor të vitit të kaluar, gjithnjë me shumën 15 milionë euro bono thesari dhe obligacione.

(gk/im/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Kremlini: Putini gati për bisedime për paqe me Ukrainën

Kremlini: Putini gati për bisedime për paqe me Ukrainën

25 Nëntor, 12:12