POP 5

Lajmet më të lexuara të 5 minutave të fundit

Ekonomi

Financat/ Në 2021 zerohen detyrimet e TVSH-së, Lera: Do të rimbursohen 21 miliardë lekë

Në mes të vitit 2021 nuk do të ketë më asnjë detyrim të papaguar për rimbursimin e TVSH-së. Niko Lera, Drejtor i Politikave Fiskale në Ministrinë e Financave, ka deklaruar sot në komision se në muajin qershor të vitit 2021 s’do të ketë më TVSH të parimbursuar. Sipas tij 14 miliardë lekë i takojnë TAP.

TIRANË- Stoku i detyrimeve të prapambetura me rimbursimin e TVSH-së për operatorët ekonomikë do të zerohet në qershor të vitit 2021. Drejtori i Politikave Fiskale në Ministrinë e Financave, Niko Lera ka deklaruar sot në Komisionin e Veprimtarisë Prodhuese se në vitin 2020 do të rimbursohen 21 miliardë lekë.

“Në vitin 2020 do të rimbursohen 21 miliardë lekë, dhe në fund të vitin 2020 stoku do të jetë vetëm 4.5 miliardë lekë. Dhe në qershor të vitit 2021 stoku do të jetë zero” deklaroi Lera.

Ai po ashtu ka sqaruar se pjesa më e madhe e rimbursimeve i takon operatorit ekonomik TAP, me të cilin është nënshkruar një marrëveshje për shlyerje të detyrimeve me këste.

“Ne do të ulim stokun e rimbursimeve në vitin 2019, me 10%, dhe është 38% më shumë se në vitin 2018, kur janë rimbursuar 14.2 miliardë lekë. 90% e këtij stoku është e subjektit TAP, me të cilin do të kemi skemë të pagesës me këste të shtrirë në 1 vit e gjysmë, dhe nga 16.8 miliardë lekë në fund të këtij viti që do të jetë stoku pjesa më e madhe i takon TAP me 85% dhe 5% është për një subjekt hidrocentralesh. 13.5 deri në 14 miliardë lekë i takon TAP nga 16.8 miliardë lekë që do ngeli në fund të këtij viti. Tatimpaguesit e vegjël, si fasonët apo eksportuesit që kërkojnë edhe vlera më të vogla rimbursimi iu është vonuar 13 deri në 15 ditë” u shpreh Drejtori i Politikave Fiskale në MFE.

Po ashtu në komision është diskutuar edhe për buxhetin e vitit 2020, si dhe për projektligjin e fiskalizimit, ku përsëri si shqetësim është ngritur kostoja që do të sjellë implementimi i pajisjeve të reja fiskale. Paraprakisht është parashikuar që blerja e një aplikacioni të kushtojë 30 euro.

B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Mali i Zi, kërkohet hetim ndërkombëtar për masakrën Cetinjës

Mali i Zi, kërkohet hetim ndërkombëtar për masakrën Cetinjës

10 Janar, 23:03