POP 5

Lajmet më të lexuara të 5 minutave të fundit

Ekonomi

Financat shesin 113 mln € bono
Destinacioni bazë: Pagesa e faturave

Banka e Shqipërisë ka shitur dje për llogari të qeverisë 15.8 miliardë lekë bono thesari me afat maturimi 6 dhe 12 mujore, një pjesë e të cilave pritet të shkojë për shlyerjen e detyrimeve të prapambetura të biznesit.
Financat shesin 113 mln € bono<br />Destinacioni bazë: Pagesa e faturave
TIRANE - Banka e Shqipërisë ka shitur dje për llogari të qeverisë 15.8 miliardë lekë bono thesari me afat maturimi 6 dhe 12 mujore, një pjesë e të cilave pritet të shkojë për shlyerjen e detyrimeve të prapambetura të biznesit. Në këtë ankand vijoi tendenca e rënies së normës së interesit, në të njëjtën linjë me politikën monetare lehtësuese të Bankës së Shqipërisë dhe duke i lehtësuar Financat  nga barra e marrë përsipër që të vazhdojnë me shlyerjen e detyrimeve të prapambetura të biznesit, përpara lëvrimit të këstit të parë të FMN-së.

Për bonot me afat 12 mujor, shuma e shpallur për shitje ishte 10.2 miliardë lekë, nga të cilat 1.5 miliardë lekë i takonin Bankës së Shqipërisë. Shuma e kërkuar ishte 13.1 miliardë lekë dhe interesi zbriti në 3.56%. Në ankandin fundit me të njëjtin maturitet, ai ishte në 3.64%. Për bonot 6 mujore, shuma e shpallur për shitje është 5.6 miliardë lekë, nga të cilat 3.9 miliardë lekë i takojnë Bankës së Shqipërisë. Kërkesa arriti në 6.2 miliardë lekë dhe interesi zbriti në 3.32%. Në ankandin e fundit me të njëjtin maturitet, interesi sërish kishte zbritur  në 3.4%.

Ministria e Financave po përdor financimin në tregun e brendshëm  të për shlyer detyrimete prapambetura ndaj biznesit (deri në fund të marsit ishin shlyer rreth 120 milionë dollarë), teksa huaja e FMN-së nuk ka mbërritur akoma. Sipas ministrit të Financave, Shklëqim Cani, është rënë dakord me FMN-në që do të ecet me shlyerjen e borxhit duke parë dhe si do të reflektojë ekonomia.
Në rast se do të shohim se do të ketë psh rritje të kostos së borxhit atëhere do të frenohet shlyerja me fondet e tregut, tha Cani. Qeveria është angazhuar për të shlyer 72 miliardë lekë detyrime të prapambetura, gjysma e të cilave pritet të paguhet brenda këtij viti.

Shkrimi u publikua sot (9.04.2014) në gazetën Shqiptarja.com (print)

Redaksia Online
(d.a/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51