POP 5

Lajmet më të lexuara të 5 minutave të fundit

Bota

Financial Times: Rusia kanal të fshehtë tregtar me Indinë, pavarësisht paralajmërimeve të SHBA

Për të zbehur efektin e sanksioneve të Perëndimit, Rusia përdori Indinë si një treg alternativ për sigurimin apo shitjen e mallrave të ndryshëm. Por së fundmi, Financial Times ka zbuluar disa dokumente sekrete të cilat tregojnë se si Moska planifikoi krijimin e një kanali tregtar të fshehtë me Indinë, me vlerë 1 miliard dollarë, për blerjen e pajisjeve elektronike të nevojshme për prodhimin e armëve.

Financial Times ka zbuluar disa dokumente kofidenciale të cilat pasqyrojnë aktivitetin e shtuar tregtar mes Rusisë dhe Indisë, gjatë luftës në Ukrainë dhe sanksioneve të Perëndimit ndaj Moskës.

Sipas Financial Times, Rusia është përqendruar në blerjen e pajisjeve elektronike, që i shërbejnë për prodhimin e armëve në vend.

Në dokumentet e deklasifikuara, thuhet se Ministria ruse e Industrisë dhe Tregtisë e Moskës parashikoi shpenzimin e 1 miliard dollarëve për sigurimin e pajisjeve elektronike të nevojshme, përmes disa kanaleve tregtare, të fshehura nga qeveritë e Perëndimit.

Në fakt, Rusia do paguante Indinë me monedhën kombëtare të kësaj të fundit, Rupi, të cilat i kishte grumbulluar nga shitja e naftës.

Në dokument, theksohet se Kremlini e ka konsideruar Indinë si një treg alternativ për sigurimi e mallrave thelbësore "të furnizuara më parë nga vende jomiqësore".

Lidhjet e Indisë me Moskën ndërkohë kanë irrituar edhe Uashingtonin zyrtar.

Në korrik të këtij viti, Wally Adeyemo, zëvendës Sekretari i Thesarit në SHBA, u shkroi tre prej  organizatave kryesore të biznesit në Indi duke paralajmëruar se "çdo institucion financiar i huaj që bën biznes me bazën industriale ushtarake të Rusisë, rrezikon të sanksionohet vetë".

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Durrës/ Vodhën një shumë parash në një piceri, arrestohet i riu! Në kërkim 30-vjeçari

Durrës/ Vodhën një shumë parash në një piceri, arrestohet i riu! Në kërkim 30-vjeçari

15 Janar, 09:10