X

POP 5

Lajmet më të lexuara të 5 minutave të fundit

Sport

Fiorentina fundos Milanin, Maldini: Do e mbrojmë trajnerin

Fiorentina fundos Milanin. Kuqezinjtë pësojnë humbjen e tretë radhazi duke u zhytur në krizë rezultatesh. “Vjollcët” fituan 3-1 në Milano  dhe ai që shkëlqeu ishte Ribery. Giampaolo rrezikon seriozisht pankinën por Maldini thotë drejtuesit janë në anën e trajnerit.

Fiorentina fundos Milanin, Maldini: Do e mbrojmë trajnerin

Fiorentina fundos Milanin. Kuqezinjtë bëjnë nisjen më të keqe të një sezoni me 4 humbje në 6 ndeshje gjë që për herë të fundit kishte ndodhur në sezonin 1938-1939. Vjollcët dhuruan spektakël në “San Siro” me një Ribery në superformë dhe fituan 3-1. Pulgar kaloi Fiorentinën në avanatzh që në minutën e 14-të me penallti ndërsa ekipi i Marco Giampaolo mbeti me një lojtar më pak në minutën e 55-të kur Musacchio u ndëshkua me të kuq. Castrovilli dyfishoi shifrat për miqtë e drejtuar nga Vincenzo Montella duke e dërguar rezultatin në 0-2 në minutën e 66-të.

Chiesa një nga më të mirët humbet penallti por Ribery ishte i papërmbajtshëm dhe dehu mbrojtjen e Milanit dhe shënoi golin e tretë. I vetmi reagim i Milanit ishte goli i Rafael Leao që tregon se i vetmi lojtar në formë është ai.3 humbje radhazi dhe 4 në 6 ndeshjet e para, Milani është pa busull.

Gishti është drejtuar nga trajneri Marco Giampaolo për krizën e Milanit. Spalleti, Rudi Garcia e Shevchenko shihen si opsione por Maldini e mbron duke thënë se loja nuk i kënaq por drejtuesit janë në anën e trajnerit. Vetë Giampaolo nënvizon se nuk e ka menduar dorëheqjen. “Asnjë hakmarrje por gëzim shumë i madh të mposhtësh Milanin” ky ishte reagimi i Vincenzo Montella-s pasi Fiorentina e tij triumfoi në Milano./ Përgatiti Andi Kapxhiu

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Ilir Meta sulmon kreun e SPAK, si e vlerësoni?

Lajme të tjera



×

Lajmi i fundit

Koncesioni i sterilizimit, në GJKKO vendoset sot nëse dosja kalon në gjyq apo kthehet në SPAK, Mes të pandehurve Ilir Beqaj

Koncesioni i sterilizimit, në GJKKO vendoset sot nëse dosja kalon në gjyq apo kthehet në SPAK, Mes të pandehurve Ilir Beqaj

18 Prill, 09:48