Firenze, kardinali Ernest Troshani:
Paqe mbi dhe mbi të gjithë njerëzit

Katedralja Santa Maria del Fiore në Firenze. Kardinali i saj Giussepe Betoni ka thirrur si mik të veçantë në shtëpinë e Zotit, kardinalin tonë Ernest Troshani Simoni.
 
Tepër e veçantë dhe shumë emocionuese ishte ceremonia që u zhvillua këto ditë në festën e Zonjës së bekuar.
 
Prezenca e njeriut të vuajtjeve ishte dëshmia më e gjallë për të gjithë, pohimi i sakrificës dhe besnikëria ndaj Kishës e treguar nga kardinali ynë.
 
"Jam shumë i lumtur" tha Kardinali Giussepe Betoni- "që kemi këtu dëshmitarin e vuajtjeve dhe martirin e vetëmohimit dhe pavdekësisë.
 
Unë i ftoj të gjithë t'i bëjmë pyetje vetes, çfarë bëjmë ne për paqen? Papa i dha titullin e lartë, ne jetën e tij duhet ta kemi në zemër"tha ai.
 
"Është një nderim për popullin shqiptar, që është fisnik dhe kërkon dritën e të madhit Zot, bashkimin  dhe vëllazërimit paqen dhe dashurinë" Ernest Troshani Simoni.
 
Përfundoi kështu edhe ceremonia ku drejtoi kardinali ynë Ernest Troshani, tashmë jo vetëm kardinal i kombit tonë, por edhe apostull i Krishtit.
 
Përcolli ai sot mesazhin e hyjit 'Paqe mbi dhe mbi të gjithë njerëzit, mirëdashje".


dy.b/shqiptarja.com