POP 5

Lajmet më të lexuara të 5 minutave të fundit

Ekonomi

Firma e pasaportave njofton
kontratën e nënshkruar në mars

Ishtë nënshkruar që në mars të këtij viti, por vetëm dje kompania franceze, që përgatit pasaportat biometrike dhe letërnjoftimet për qytetarët shqiptarë ka njoftuar për shtyrjen edhe për 10 vjet të tjera të kontratës.
TIRANE - Ishtë nënshkruar që në mars të këtij viti, por vetëm dje kompania franceze, që përgatit pasaportat biometrike dhe letërnjoftimet për qytetarët shqiptarë ka njoftuar për shtyrjen edhe për 10 vjet të tjera të kontratës. Në faqen në internet të kompanisë Safran-Morpho, njoftohet se e drejta për këtë shërbim është dhënë edhe deri në vitin 2023. Nga ana tjetër, kompanisë i është dhënë edhe e drejta për të kontrolluar të gjitha transaksionet që do të kryhen në rrugë elektronike e informatike, duke përfshirë organizimin dhe realizimin e kalimit të parasë me anë të klikimeve në celular apo kompjuter të lidhur me internetin.

Ajo që duket e çuditshme në këtë rast është fakti që publiku francez dhe botëror njoftohen për një gjë të tillë vetëm në muajin gusht, ndërkohë që ministri Flamur Noka ka nënshkruar marrëveshjen në emër të qeverisë shqiptare më 19 mars 2013. Me sa duket, një gjë e tillë duhet të jetë konfirmuar edhe nga Këshilli i Ministrave, në një nga vendimet e tij, i cili ende nuk është bërë publik dhe as është botuar në Fletoren Zyrtare.

Ndoshta, një masë e tillë është mbajtur ende e fshehtë duke u nisur nga deklaratat e qeveritarëve të ardhshëm se do të rishikojnë të gjitha marrëveshjet koncensionare, sidomos ato që krijojnë ekskluzivitete, për të zbuluar eksiztencën e mundshme në to të akteve korruptive, në favor të zyrtarëve shqiptarë që po largohen.

Faktikisht, kompania franceze ka në CV-në e saj një dënim të formës së prerë nga një gjykatë e vendit të vet pikërisht për korrupsion. Safran është dënuar në Paris më 5 shtator të vitit të kaluar me gjobë 500 mijë euro pasi u verifikua që u ka dhënë rryshfet zyrtarëve shtetërorë në Nigeri në vitet 2000-2003 për të fituar një tender me vlerë 214 milionë dollarë, për prodhimin e 70 milionë kartave të identitetit.

Vendimi gjyqësor që dënoi në Francë një subjekt ligjor për korrupsion jashtë tij shënoi rastin e parë të një dënimi ndaj një subjekti ligjor, për më tepër me pjesëmarrje të shtetit në masën 30 për qind të aksioneve të tij.

Ky shkrim u botua sot në Shqiptarja.com, versioni print, dt.06.08.2013
Redaksia online
(ar.sh/shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

Kupa e Shqipërisë/ Ndryshojnë oraret e ndeshjeve, Tirana - Bylis dhe Dinamo - Erzeni

Kupa e Shqipërisë/ Ndryshojnë oraret e ndeshjeve, Tirana - Bylis dhe Dinamo - Erzeni

11 Janar, 15:19