POP 5

Lajmet më të lexuara të 5 minutave të fundit

Ekonomi

Fiskalizimi/ Tatimet: Ja pse e ndryshojmë sistemin e pajisjeve fiskale

Sistemi aktual bazohet në teknologjinë e vitit 2009, kur ka hyrë në fuqi

Fiskalizimi/ Tatimet: Ja pse e ndryshojmë sistemin e pajisjeve fiskale

Administrata tatimore shpjegon për publikun e gjerë pse po kalon në një sistem të ri të pajisjeve fiskale. Sipas saj, rritet mundësia e kontrollit dhe goditjes në kohë të evazionit, me anë të përdorimit të nje teknologjie, e cila nuk ekzistonte në vitin 2009, ku u implementuan për herë të parë në Shqipëri kasat fiskale.

Sipas Tatimeve, sistemi aktual i paisjeve fiskale në Drejtorinë e Përgjithshme të Tatimeve mundëson që të dhënat financiare të merren nëpërmjet transmetimeve të raporteve tatimore ditore. Aktualisht pajisjet fiskale transmetojnë të dhëna në sistemin qendror nëpërmjet GPRS, në fund të ditës së punës dhe jo në kohë reale.

Sistemi i instaluar në 2009, mbështetej në teknologjinë e asaj kohe, por nuk arrin standardet që kanë aktualisht shumica e vendeve të Bashkimit Europian, sidomos duke e vlerësuar në pikëpamje të efektivitetit të kostos si për taksapaguesit ashtu edhe për Qeverinë.

Qytetari
Ky sistem i ri do të krijojë një mekanizëm të mbikqyrjes në kohë reale, të pajisjeve fiskale që operojnë me para në dorë dhe atyre pa para në dorë. Ai mundëson për qytetarët që të mund të verifikojnë në kohë reale nëse fatura që kanë marrë, është raportuar në sistemin tatimor dhe për administratën tatimore kontroll efektiv dhe analizë të saktë e të thelluar të të dhënave tatimore.

Sistemi i ri i mundëson çdo qytetari të verifikojë menjëherë pas lëshimit të faturës, nëse ajo është raportuar në sistemin tatimor qendror. Ky proces realizohet duke skanuar me telefon ‘bar kodin’ unik të faturës dhe dërgimin e tij të menjëhershëm në departamentin përkatës të taksave.

Në çastin që departamenti i taksave merr kodin, do të përgjigjet duke konfirmuar nëse kodi përkatës ekziston në databazë bashkë me detajet e faturës përkatëse. Ky verifikim i mundëson qytetarëve të dinë nëse fatura për të cilën kanë paguar është raportuar në sistemin tatimor. I gjithë ky proces rrit transparencën në të bërit biznes dhe ndihmon qeverinë për të luftuar evazionin fiskal, duke qenë lehtësisht i verifikueshëm mashtrimi tatimor ose mos deklarimi i faturave.

Shteti
Për Administratën Tatimore, sistemi i ri jep mundësinë e analizës së qendërzuar dhe efektive, për të modeluar qasjen e modulit të riskut. Kjo do të thotë që sjelljet e dyshimta do të identifikohen lehtësisht dhe do të orientojnë identifikimin real të abuzuesve, duke shmangur inspektimet dhe kontrollet e gjeneralizuara, të cilat penalizojnë bizneset e rregullta.

Ndryshimi i teknologjisë është i domosdoshëm, për sa kohë paisjet aktuale mbështeten në teknologjinë 2G/3G dhe po zëvendësohen në të gjithë Europën. Për t’u siguruar që të shmanget varësia ndaj një modeli specifik teknologjik, sistemi i ri nuk mbështetet në një model konkret (p.sh. paisje Hardware ose Software), por në standarde të hapura që ofron aksesi me internetin.

Kjo qasje teknologjike do të thotë se Fiskalizimi është i bazuar në softëare dhe procesi mund të implementohet lehtësisht në të gjitha paisjet ekzistuese (pa patur nevojë për një paisje HW sekondare vetëm për të operuar brenda sistemit të fiskalizimit). Në terma afatgjatë kjo ul ndjeshëm kostot e teknologjisë për taksapaguesit.

Ku është përfitimi
Taksat - Mbledhje më e mirë e taksave në shkallë vendi, ku zëri kryesor mbetet Tatimi mbi Vlerën e Shtuar. Duke iu referuar rezultateve të arritura në vendet e tjera që zbatojnë këtë sistem, në mbledhjen e TVSH-së janë regjistruar rritje nga 10-15%, krahasuar me të ardhurat nga TVSH-ja, përpara aplikimit të këtij sistemi. Rritje priten edhe në kategori të tjera taksash (psh. Taksa mbi të Ardhurat).

Ulje e informalitetit – duke përmirësuar dy aspekte kryesore – raportimi i më shumë transaksioneve me para në dorë dhe ulja e transaksioneve të fshehura pa para në dorë, me një kontroll më të mirë të sistemit fiskal, do të reduktohet informaliteti në ekonominë shqiptare.

Rritje e efiçencës në raportimin tatimor – me më shumë informacion të mbledhur nga një tatimpagues, Administrata Tatimore do të jetë në gjendje t’i ofrojë një shërbim më të mirë tatimpaguesit, si plotësim paraprak i faturave të TVSH-së me të dhëna tashmë të gatshme të tatimpaguesit. Kjo do të përshpejtojë raportimin tatimor dhe reduktojë gabimet në këtë proces.

Përmirësim i kontrollit tatimor dhe verifikimit në terren – duke përdorur sistemin e fiskalizimit, mundësohet kontrolli dhe inspektimi tatimor mbi bazën e riskut, çka do të rezultojë në identifikimin e drejtëpërdrejtë të abuzuesve, duke shmangur kështu inspektimet në bizneset e rregullta.

Angazhimi qytetar – përmes verifikimit të faturave që paguajnë, - nëse janë deklaruar apo jo në sistemin tatimor, - vetë qytetarët ndihmojnë dhe bëhen pjesë e luftës kundër informalitetit dhe abuzimit të atyre që punojnë në të zezë. Në planifikojmë gjithashtu shpërblime konkrete, për të motivuar përfshirjen qytetare në këtë proces.

Digjitalizimi i ekonomisë – përmes përmirësive në programin softëare të fiskalizimit, zgjerohet mundësia për të shtuar digjitalizimin e proceseve në pikat e shitjes, veçanërisht për tregun e SME në vend. Kjo do të çojë në një ekonomi sa më pak burokratike, me lehtësi të shtuara në këmbimin e informacionit mes biznesit dhe qeverisë dhe bizneseve me njëri-tjetrin po ashtu.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Qytetari: 31/08/2019 12:56

    Duhet shtuar edhe dicka tjeter o Tatimor te ndershem Me kte proces qe keni ne plan do e shtypni akoma me shume biznesin e vogel dhe familjar . Shumica e tyre thjesht po perpiqen te mbijetojne ne kte sistem te kalbur Do i hiqni mundesine nje prindi te shkolloj femijen e tij dhe do i jepni mundesine nje prindi tjeter tja nderroj Range / Mercedes femijes cdo vit , mos tja lej qe tja kapi viti . Bravo qe vazhdoni promovoni anti vlera

    Përgjigju
  • Ardian: 31/08/2019 09:49

    Ky eshte skandali i rradhes, po pse more te paudhe shpenzoni parate jashte, fuqizoni shkollat e mesme profesionale dhe faklutetet e IT, e ate pagese te majme ja jepni atyre te rinjve, edhe e beni sistemin sipas nevojave te vendit, sigurine e keni maksimale e cdo gje e keni ne dore vete. Ju ja kaluat edhe Osmaneve ne keto 30 vite.

    Përgjigju
  • Gen: 31/08/2019 09:05

    Te gjitha keto arsye qe permenden jane arsyet me te paverteta qe mund te ekzistojne.... e verteta eshte qe shtetit (pushtetareve) i duhet nje dore e fuqishme lekesh dhe me kete forme ata e perfitojne.... pse nuk i paguan shteti shpenzimet qe duhen, sepse shteti vete po kerkon qe te zevendesohen pajisjet me gjoja “pajisje me teknologji me te avancuar”.

    Përgjigju
  • KUDRET SALIHAJ: 31/08/2019 08:39

    Sistemi aktual i kasave per aq sa mund te shoh ka nje handikap , kompanite e kasave kane jo vetem detyrimin te bejne kontrollin periodik por edhe riparimin , e thene me fjale te tjera , gjate kontrollit peridik , sic behet kontrolli automjeteve apo checkup shendeti, ne ndryshim nga keta te fundit , qe paraqesin gjendjen reale te kontrollit , tek kontrolli periodik i kasave potencialisht keta kane interes te nxjerrin sa me shume probleme edhe kur sjane , dhe ky eshte nje konflikt interesi. Mbase sistemi i ri zgjidh mire kete ceshtjen e sherbim kontroll mirembajtje.

    Përgjigju
  • A.n.: 31/08/2019 07:59

    Meqenese populli yne i ka fiksim lotarite/lojrat e fatit do te ishte mire qe te aktivizohej edhe sistemi i lotarise tek cdo blerje qe do bejne qytetaret. Kjo do incentivoje bleresit qe te kerkojne kuponin tatimor me kembengulje sepse do te kene nje shanc per te marre pjese ne lotari. Te njejtin sistem do te aplikoje edhe Italia ne 2020. Natyrisht qe duhet pasur parasysh qe kur te behet pagesa e fatures te jete mundesia e leximit te Numrit Unik te kartes se identitetit. Besoj qe ne kete menyre do jete me e lehte edhe per shtetin qe te kontrolloje personat qe do bejne shpenzime marramendese me Numrin Unik dhe qe ndoshta nuk rezultojne te kene te ardhura te tilla.

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça