Fitorja e Mitsotakis/ Shehu: 'Këmbanat' e ndryshimit po bien shumë afër nesh

Reagimi i parë nga Shqipëria për fitoren e 'Demokracisë së Re' me në krye Kyriakos Mitsotakis, ka qenë ish-deputeti i Tritan Shehu. Ai e ka uruar për fitoren, e ndërsa theksoi se "këmbanat e ndryshimit po bien shumë afër Shqipërisë". Shehu shprehet se kjo fitore do të ndikojë në forcimin e marrëdhënieve Shqipëri-Greqi, si dhe do të fuqëzojë rolin pozitiv i Greqisë në rajon dhe BE.

”Këmbanat” e ndryshimit po bien shumë afër nesh. Urimet më të mira për ND e Kyriakos Mitsotakis, Kryeministëri i ri i Greqisë, tashmë përsëri pilaster e europianizmit!

Fitorja e ND në këto zgjedhje duke siguruar e vetme shumicën qeverisëse, ka rëndësi të madhe jo vetëm për Greqinë, por dhe për BE e Rajonin. Greqia kthehet përsëri në rrugën e europeismit të Qendrës së Djathtë, duke u larguar përfundimisht nga e majta populiste.

Një mesazh ky shumë i rëndesishëm nga populli grek, në mbrojtje të vlerave të mëdha, bashkejetesës, paqes e forcave zhvilluese të BE. Kjo është një ngjarje shume e rëndësishme dhe për Rajonin tone, që aspiron vecse rrugëm e integrimit, ku pa dyshim roli pozitiv i Greqisë tashmë do teë forcohet. Fitorja e ND është një eveniment pozitiv edhe për Shqipërinë, qoftë në planin bilateral, qoftë dhe në mbështetjen ndaj procesit tonë të integrimit në tërësi.

Marëdhëniet tona pa asnjë dyshim do të dalin nga ngërcet apo aventurizmat politike të të majtave populiste shumë shpejt, kur edhe në Shqipëri të largohet kjo Rilindje shkatërrimtare e vendi të qeveriset nga Qendra e jonë e Djathtë si në Greqi prej sot", shkruan Shehu.

Lajmi kryesor:

Fitorja e Mitsotakis në Greqi/ Vijnë reagimet e para nga politika shqiptare

B.K./Shqiptarja.com

TAG:
• greqi
• Kyriakos Mitsotakis
• demokracia e re