Fitorja në Laç, Hallaçi: Objektivi i Kukësit është mbijetesa

Kukësi fitoi 1-2 me Laçin në transfertë për javën e 24 në Superligë. Verilindorët përmbysën kurbinasit, me Kukësin që pas shumë javësh del nga zona e ftohtë e renditjes. Pas ndeshjes për Oversport, trajneri i Kukësit, Rraman Hallaçi e vuri theksin te mbijetesa.

“Fitorja vjen në një moment të mirë. Kam kërkuar nga skuadra që të mbajmë topin në zotërim dhe më vjen mirë që edhe pas pësimit të golit reaguam. Skuadra tregoi grintë dhe karakter. U përgjigj mirë në pjesën e parë dhe jam shumë i kënaqur nga loja e skuadrës. Në pjesën e dytë u munduam që të mbyllnim ndeshjen në kundërsulm, por jo të gjitha rastet bëhen gol. Nuk e kemi luksin të festojmë, jemi të impenjuar maksimalisht për ndeshjet e radhës në kampionat", tha fillimisht trajneri.

LEXO EDHE:
Final 4/ Partizani është finalisti i parë për titullin kampion, mposht 1-0 Skënderbeun në 'Air Albania'

Hallaçi tregoi më pas se objektivi është i qartë, sigurimi i mbijetesës në një sezon jo të mirë dhe më pas mendimi për sezonin e ri.

"Duhet të bëjmë kujdes. Objektivi është i qartë dhe nuk kam pse e diskutoj. Objektivi është qëndrimi në Superiore, pasi të arrijmë këtë, të shohim se çfarë mund të bëhet sezonin tjetër. Më ngroh loja e skuadrës, që bën në ndeshje ato që kërkoj në stërvitje. Presioni është i madh, por më pëlqen loja e skuadrës”, tha Hallaçi.

Lajmi kryesor:

VIDEO/ Kukësi përmbys Laçin në transfertë, kurbinasit tre ndeshje pa fitore në shtëpi! Bardhezinjtë në zonën e ftohtë

S.DH/Shqiptarja.com

TAG:
• rraman hallaci