POP 5

Lajmet më të lexuara të 5 minutave të fundit

Sport

Fitorja në Oslo, FSHF 120 mijë
euro shpërblim kombëtares

Komiteti Ekzekutiv i FSHF-së në mbledhjen e tij të radhës ka shpërblyer ekipin kombëtar të futbollit pas fitores në Norvegji. Komiteti ka vendosur të shpërblejë me 120 mijë euro kombëtaren kuqezi, që mori një fitore me shumë vlera në Oslo.
TIRANE - Komiteti Ekzekutiv i FSHF-së në mbledhjen e tij të radhës ka marrë në shqyrtim çështje të ndryshme në lidhje me futbollin, duke marrë disa vendime të rëndësishme. Në plan të parë nga Komiteti Ekzekutiv ka qenë shpërblimi i ekipit kombëtar të futbollit pas fitores në Norvegji.

Komiteti ka vendosur të shpërblejë me 120 mijë euro kombëtaren kuqezi, që mori një fitore me shumë vlera në Oslo. Komiteti Ekzekutiv i FSHF-së caktoi datën 7 qershor, para ndeshjes me ekipin e Norvegjisë për lamtumirën e Ervin Skelës dhe Altin Lalës nga kombëtarja me një ceremoni madhështore.

Dy futbollistët kanë dhënë një kontribut të madh për ekipin kombëtar të futbollit në shumë vite që kanë milituar me ngjyrat kuqezi. Ekzekutivi i FSHF-së ka marrë vendim edhe për skemën e kampionatit kombëtar të Kategorisë Superiore për edicionin 2013-2014. Superliga do të përbëhet nga 12 skuadra dhe do të zhvillohet me 3 faza, ndërsa në edicionin 2014-2015 do të përbëhet me 10 skuadra, por numri i fazave nuk ndryshon.

Kategoria e Parë, edicioni 2013-2014, do të aplikohet skema me 16 skuadra dhe dy faza, edicioni 2014-2015 do të përbëhet nga 2 grupe me nga 10 skuadra. Kupa e Shqipërisë në edicionin 2013-2014 do të zhvillohet me sistemin vajtje-ardhje. Komiteti Ekzekutiv ka fiksuar 17 majin 2013, si datën e zhvillimit të finales mes Laçit dhe Bylisit në, “Qemal Stafa” ora 20:00.

Pasuesi i Zmijanit në KE do të jetë Lulëzim Minxhozi. Komiteti Ekzekutiv vendosi që tapetet e Fierit dhe Durrësit të zëvendësohen me tapete të rinj me bar natyral. Një “dhuratë” e tillë me rastin e rikthimit në Superiore, FSHF-ja ka menduar t’ia bëjë edhe Partizanit.

Për zhvillimin e mëtejshëm të futbollit të femrave u formua një komision i posacëm, i cili do të ketë si kryetar anëtarin e KE-së, Abdyl Kuriu, dhe anëtarë Kejdi Tomorrim, Endi Hykën, Genc Ymerajn dhe Lazër Matian.

Shkrimi u botua sot në gazetën Shqiptarja.com (print) 20.04.2013

Redaksi Online
(b.m/shqiptarja.com)

/Shqiptarja.com
  • Sondazhi i ditës: 29 Janar, 13:14

    Strategjia e SPAK për parandalimin e krimit elektoral, a do ketë sukses?

Lajme të tjera



×

Lajmi i fundit

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

Udhëhoqi operacionin ushtarak për rrëzimin e Bashar al-Assad, Ahmed Al-Shaara bëhet president i përkohshëm i Sirisë

29 Janar, 23:01