‘Të turpshme’ e ka quajtur atmosferën në stadium pas fitores së titullit futbollisti i Paris SG Marquinhos. Tifozët e klubit parisien u larguan 15 minuta para se ndeshja që i shpallte matematikisht kampion kundër Lens të përfundonte. E gjitha për shkak të eliminimit të hershëm të ekipit në Champions League dhe sidomos pas përmbysjes që u bëri Reali.
“Atmosfera është e turpshme. Futbolli është pasioni ynë. Ne përpiqemi të argëtohemi sa më shumë që të jetë e mundur. Është turp që nuk ishin tifozët, por duhet të merremi me të,”- tha kapiteni Marquinhos për festimin e titullit.
“Tifozët që nuk festuan? Është diçka që nuk e kuptoj. Është futboll, ndonjëherë fiton dhe ndonjëherë humb. Ne jemi njerëz normal dhe mund të gabojmë. E di që ata ishin të zhgënjyer me humbjen me Madridin, por në disa raste duhet të ecësh përpara,”- theksoi Marco Verratti.
![](https://shqiptarja.com/template/img/NO_ALFA_Kuadrate shqiptarja.png)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)