Fjalimi nazist i Orban kundër përzierjes me popuj jo evropianë, vjen dorëheqja e parë brenda rrethit të tij të ngushtë

Një anëtar i rrethit të ngushtë të Viktor Orban ka dhënë dorëheqjen pasi kryeministri hungarez foli kundër ‘popujve me racë të përzier’.

Zsuzsa Hegedus, e cila e njeh nacionalistin Orban për 20 vjet, e përshkroi fjalimin si një "tekst të pastër nazist", sipas mediave hungareze.

Komiteti Ndërkombëtar i Aushvicit i të mbijetuarve të Holokaustit e quajti fjalimin "të marrë dhe të rrezikshëm".

Zëdhënësi i Orban tha se media i kishte keqinterpretuar komentet. Fjalimi u mbajt të shtunën në një rajon të Rumanisë që ka një komunitet të madh hungarez.

Në të, Orban tha se popujt evropianë duhet të jenë të lirë të përzihen me njëri-tjetrin, por se përzierja me jo-evropianët krijoi një "botë të racave të përziera".

"Ne jemi të gatshëm të përzihemi me njëri-tjetrin, por nuk duam të bëhemi popuj të racës së përzier," tha ai.

Pikëpamjet kundër emigracionit të Orban janë të njohura, por për zonjën Hegedus fjalimi i së shtunës kaloi kufirin.

"Nuk e di se si nuk e vutë re që fjalimi që mbajtët ishte nazist i denjë për Joseph Goebbels," shkroi ajo në letrën e saj të dorëheqjes.

Goebbels ishte kreu i ministrisë së propagandës së Adolf Hitlerit. Grupi më i madh hebre i Hungarisë gjithashtu dënoi fjalimin dhe bëri thirrje për një takim me Orban.

M.Q./Shqiptarja.com

TAG:
• Hungari
• Viktor Orban