TIRANË- Protesta e sotme e opozitës para Bashkisë së Tiranës ishte një dështim me militantët gjithnjë e më të paktë në numër. Këtë fakt tashmë e pranon edhe vetë Flamur Noka, i cili menjëherë pas përfundimit të protestës i është drejtuar strukturave me një mesazh ku shfaqet i pakënaqur me pjesëmarrjen në protestë.
Shqiptarja.com ka siguruar mesazhin e Nokës drejtuar strukturave, i cili kërkon më shumë angazhim dhe pjesëmarrje në protesta prej tyre. Sekretari i Përgjithshëm i PD u kujton deputetëve dhe anëtarëve se pushimet kanë mbaruar dhe duhet të angazhohen në protesta. Noka thotë në mesazh se në protestat s’janë vetëm të anëtarëve dhe simpatizantëve, por fillimisht duhet të angazhohet Kryesia.
“Të dashur miq. Uroj që të keni kaluar mirë pushimet. Stina e vjeshtës për PD dhe opozitën do të kthehet në një stinë protestash dhe revolte, mosbindje civile ndaj narkoregjimit me qëllim krijimin e qeverise teknike si të vetmen rrugë për t’i dhënë vendit zgjedhje të lira. Ky angazhim kërkon më së paku pjesëmarrjen e çdo anëtari/e të kryesisë, të grupit parlamentar, këshillit kombëtar dhe pastaj edhe të strukturave tjera të varësisë deri tek anëtarët dhe mbështetësit tanë në këtë aksion. Duhet të rifillojmë me angazhimin në protestat tek bashkia dhe Rruga e Shpresës. Protestat nuk janë detyre vetëm e anëtarëve dhe simpatizantëve tanë. Jemi kryesi e PD dhe duhet të jemi në ballë të çdo aksioni, proteste, përballje dhe revolte. Faleminderit”, shkruhet në mesazhin e Flamur Nokës.
Në tubimin e 23-të të opozitës para Bashkisë së Tiranës, militantët e Sali Berishës Non Grata, ishin edhe më të pakët në numër. Report Tv solli edhe pamjet me dron, ku të pranishmit janë më pak se efektivët që janë vendosur në një kordon për të ruajtur sigurinë.
Në krye të militantëve, Belind Këlliçi, ndoqi edhe këtë javë shembullin e Berishës, ku pas sulmeve në protestën e kaluar drejtuar ndërkombëtarëve këtë herë sulmoi Altin Dumanin dhe SPAK.
Mesazhi i Flamur Nokës drejtuar strukturave të PD
Lajme të tjera
-
4 shkolla të rikonstruktuara në Tiranë gati për 9 shtatorin! ‘Avni Rustemi’ me 1 turn, 4 kopshte e çerdhe në godina me qira
29 Gusht, 13:38
-
Pamjet me dron/ Një grusht militantësh para bashkisë Tiranë, nuk mblidhen as 10 vetë! Këlliçi si Berisha kërcënon Dumanin: SPAK, organizatë e PS
29 Gusht, 12:08 -
Kodi i ri Zgjedhor/ Mbyllja e listave në 1/3-at, aleatët kundër paktit të Berishës me PS! Dashamir Shehi i pari që e padit në Kushtetuese, kërkon shfuqizimin
29 Gusht, 10:16 -
Mandati i Olta Xhaçkës, PS: Në 12 shtator deputetët do të njihen me vendimin e GJK! Asnjë nga raportet nuk është prekur
28 Gusht, 12:29 -
“PD-të” e reja, sfida mbetet tek privilegjet
24 Gusht, 22:30
-
Ylli Pata: Pse po dalin parti te reja në opozitë?
23 Gusht, 18:17
-
Kur nuk kupton, ku e ke vendin
23 Gusht, 15:56
-
Ekskluzive/ Ndahen rrugët me Bashën, anti-berishistët mbledhin firmat për partinë e re! Drejt fundit Statuti
23 Gusht, 15:14
-
Meta dhe Basha kundër importiti të mbetjeve në vend: Të ndalohet ligji! Sasia e plehrave tona po shton rreziqet e ndotjes
22 Gusht, 20:28 -
Ylli Pata: Pse opozita pjell vetëm klone të Doktorit?!
21 Gusht, 20:22
-
Veliaj inspekton punimet në Kombinat, 300 familjet e dëmtuara nga tërmeti gati të marrin banesat e reja: Partiçkat dhe gjyqtarët na penguan, por s’na bllokojnë dot punët!
21 Gusht, 13:01 -
Ylli Pata: Arsyet e ngërçit të opozitës portative
20 Gusht, 22:45
