Flisni në gjumë? Ja rastet kur
duhet të shkoni tek mjeku

Ju ka ndodhur ndonjëherë të flisni në gjumë, apo të dëgjoni dikë tjetër? Sigurisht qe po. Mund t’ju duket diçka e çuditshme, por nuk është vecse krejt normale.

Nga murmuritjet, e folura në gjumë mund të shndërrohet në një bisedë të qartë e të gjatë. Ja pse pikërisht disa njerëz flasin në gjumë. E folura në gjumë ose somniloquy ndodh kur një person po ëndërron, por jo gjithmonë. Sipas “National Sleep Foundation” e folura në gjumë mund të shkaktohet nga një sërë faktorësh si: stresi, depresioni, alkooli, temperatura ose nga disa medikamente të caktuara.

Sipas shkencëtarëve e folura në gjumë nuk mund të zgjasë më shumë se 30 sekonda.

Por, të folurit në gjumë mund të ndikojë edhe negativisht në funksionimin tuaj, ndaj duhet të flisni me mjekun. Nëse një person flet rrallë në gjumë nuk është nevoja të shqetësoheni, por nëse kjo është kronike duhet të vizitoheni tek mjeku. A duhet ta zgjoni presonin kur flet në gjumë?

Varet nga situata. Nëse e zgjoni, personi mund të vuajë nga pagjumësia. Ndërsa nëse kemi të bëjmë me fazën fillestare të të folurit përçart zgjimi nuk është i dobishëm. Edhe në këtë rast duhet të konsultoheni me mjekun.

Redaksia Online
a.dr/shqiptarja.com