Aktori i njohur i Portokalli, Florjan Binaj ka rrëfyer përmes një statusi në Facebook, ekpseriencën negative me një spital privat në kryeqytet, ku ka shtruar djalin e tij për një problem shëndetësor, pasi te pediatria pranë QSUT, nuk ka pasur vende të lira.  

Pasi ka paguar 120 euro natën, Binaj rrëfen se është detyruar të dalë në rrugë në mesnatë për të gjetur lokale hapur për të ngrohur ujin për qumështin e djalit sepse spitali privat nuk ka pasur një mikrovalë. Ai thotë gjithashtu se askush nga personi mjekësor nuk ka pyetur për shëndetin e djalit.  

"Paturpshmëria vazhdon në mëngjes që na kerkuan ti bëjmë lloj lloj analizash dhe ekzaminimesh me çmime borgjeze dhe pastaj ta çojmë në shtet sepse: ne nuk i trajtojme dot këto raste prandaj i çojmë në shtet...🤬", shkruan aktori i Portokalli, Florjan Binaj. 

Postimi i aktorit Florjan Binaj: 
"TURP! Për shkak se spitali shtetëror s’kishte vënde, u detyruam të çonim djalin në një spital privat që mban emrin e një shteti që ne shqiptarët e duam shume, i cili nga reklamat që bën, të bën të mendosh që aty mbarojnë hallet, por në fakt aty filluan...Çmimet stratosferë ishin gjeja më normale.Pasi paguam 120€ vetëm fjetja pa përfshirë ilaçe, as konsulta etj, në 12 të natës u detyrova te dal rrugeve të gjej ndonje lokal hapur për të ngrohur ujin për qumshtin e djalit sepse ky spitali privato-sakat NUK kishte një mikrovalë ose një zgjidhje për të ngrohur ujin për bebet...natën po ashtu, askush nuk trokiti në derë për të pyetur si është fëmia?

Paturpshmëria vazhdon në mëngjes që na kerkuan ti bëjmë lloj lloj analizash dhe ekzaminimesh me çmime borgjeze dhe pastaj ta çojmë në shtet sepse: ne nuk i trajtojme dot këto raste prandaj i çojmë në shtet...🤬

E përmbledhur shkurt, të mbajnë me zorr aty që të paguash lekë kot pa të shëruar sepse në fund, tek shteti të përcjellinn...TURP!!!Mjer ne ku jetojmë sepse si unë jam i bindur që ka shumë të tjerë që janë rrjepur pa u shëruar, mashtruar pa u thënë e vërteta nga këto spitalë që shteti në vënd ti kontrollojë, mjaftohet që u merr ndonjë qera ose taksat se shendeti i shqiptarëve, taksirat i tyre jo i shtetit...TURP!"

florjan binaj
(Postimi Florjan Binajt)

Redaksia Online
l.q/Shqiptarja.com