POP 5

Lajmet më të lexuara të 5 minutave të fundit

Kultura

Lajme nga emisionet

Florinda Mazreku, aktorja e dashur e Teatrit të Kukullave rrëfehet në 'Esencë': 41 vite duke i dhuruar personazhe e hare fëmijëve të Shqipërisë

Ne nuk e zgjedhim kohën në të cilën do të lindim e jetojmë, por ne mund të zgjedhim të jemi një histori e bukur për t’u rrëfyer... Sepse në fund, secili prej nesh është një histori.

TIRANË-  Jo vetëm fëmijët, por breza të tërë prindërish e njohin atë që ka lënë kujtime të pashmangshme në teatrin e kukullave.41 vite të karrierës së saj ia ka dedikuar atyre.

Florinda Mazreku ose Cuci ia ka dedikuar jetën kukullave dhe për të kthyer pas shiritin e këtij filmi të bukur në jetën e saj profesionale,ajo erdhi në “Esencë”. Asaj të gjithë i thërrasin Cuci dhe me ose pa alter ego ajo është njeriu që pasionin për jetën dhe profesionin e ka të shprehur në çdo dimension të qënies së saj.

U përlot sapo nisi të na rrëfente se gjithë jeta e saj ka qenë e lidhur me kukullat, madje dhe shtëpia e saj, në asnjë moment nuk ka kuptim pa to.

Një takim rastësor me regjisorin Piro Milkani në Teatrin Popullor, kur ky i fundit  i kërkon një kinoprovë për një rol në film,ishte një prej atyre momenteve që do ta poziciononte ndryshe në kinema. Dhe kështu erdhi roli i saj në filmin e 1974-ës “Shtigje Lufte”.

Teksa kujton që ka kaluar një fëmijëri plot sakrifica,përmend edhe faktin që ky profesion dhe jeta në teatrin e kukullave është për të një përmbushje jo vetëm profesionale.

“Fëmijët që duartrokisnin,më jepnin dritë,sytë e tyre si prozhektorë të vegjël ishin për mua gjithçka”- rrëfen Florinda mes lotëve.

Një surprizë që e shtoi instensitetin e emocioneve ishte dhe mesazhi që mikesha e saj regjisorja Klaudia Hila,i dërgoi Florindës.

Një moment që e ka plotësuar jetën e aktores është patjetër familja e saj,bashkëshorti djali dhe vajza,por një dobësi për nipërit e bënë Florindën të përlotej në studio nga mesazhet e tyre për gjyshen e dashur. Në një përvjetor martese e bija Xhenis i organizoi një dasmë surprizë,si për të rivlerësuar edhe njëherë dashurinë dhe përkushtimin e prindërve të saj ndër vite por edhe lidhjen e fortë mes familjes.

B.K./a.m./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

Dita e mësueses së baletit në ‘Një nga ne’, Romina Kaso: Më frymëzojnë sytë e fëmijëve, do kërcej sa të kem fuqi

27 Nëntor, 21:51 nga Xhensila Nako