Dita e parë e vitit 2026 është shoqëruar me fluks të lartë lëvizjesh në aksin Milot–Lezhë.

Prej disa orësh, në këtë segment rrugor është krijuar trafik i rënduar, si pasojë e rritjes së qarkullimit të mjeteve.

Lëvizja masive e qytetarëve, të cilët po udhëtojnë për të kaluar ditët e pushimeve drejt zonave malore apo Malit të Zi, ka sjellë kaos në qarkullim dhe vonesa të shumta.

Ndërkohë, policia rrugore ndodhet në terren dhe po punon për menaxhimin e trafikut dhe lehtësimin sadopak të qarkullimit të mjeteve.