X

POP 5

Lajmet më të lexuara të 5 minutave të fundit

Ekonomi

FMN: Mbi 30 për qind e punësimeve në Shqipëri janë informale! Pengesë për uljen e varfërisë, qeveria të marrë masa

Sipas Fondit Ndërkombëtar Monetar mbi 30% e të punësuarve në Shqipëri janë informalë, duke shënuar nivelin më të lartë në Europë. Ndaj FMN nxit qeverinë që krahas rritjes së pagës minimale të ulë edhe informalitetin.

Informaliteti vijon të mbetet pengesë për rritjen e produktivitetit në vend dhe uljen e varfërisë. Sipas FMN-së, punëtorët informalë në Shqipëri përfaqësojnë 30.3 për qind të fuqisë punëtore që është shifra më e lartë në Evropë, duke bërë që ata të përfitojnë pak ose aspak nga rritja e pagës minimale, pavarësisht se janë në vështirësi më të madhe se punëtorët formal.

Për këtë arsye FMN sugjeron qeverinë të marrë masa.

“Rritja e pagës minimale duhet të plotësohet me masa efektive për uljen informalitetit dhe përmirësim të produktivitetit. Një rritje e mëtejshme e pagës minimale duhet të jetë shoqëruar me masa vendimtare për reduktimin e informalitetit, pasi informaliteti i lartë kufizon përfitimet e paga minimale për punëtorët më të rrezikuar”, thuhet ndër të tjera në raportin e FMN-së.

Madje sipas vlerësimit të FMN-së informaliteti i lartë kufizon edhe ndikimin e rritjes së pagës minimale për shumicën e punëtorëve. Ndërsa sipas INSTAT informaliteti në punësim është 21.9%, por pa përfshirë sektorin bujqësor. Nga ana tjetër sipas analizës së kryer thuhet se edhe pse pagat janë rritur së fundmi me 15.4% vlera absolute e pagës minimale të Shqipërisë mbetet një nga më të ulëtat në Evropë.

FMN kërkon të rritet pjesëmarrja e fuqisë punëtore dhe të reduktohet informaliteti në mënyrë që të rriten edhe kontributet e sigurimeve shoqërore.

Gjithashtu sipas institucionit ndërkombëtar duhet përmirësim i sistemit të mbrojtjes sociale, duke reduktuar gabimet e përjashtimit dhe pasaktësitë mbi përfituesit.

/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Sa i përhapur është korrupsioni në Shqipëri?

Lajme të tjera



×

Lajmi i fundit

Autogoli - Gazetari i RAI pranon gabimin: Publikon përgjigjet e Agaçit tre ditë pas emisionit ku pretendonte se ai nuk ishte përgjigjur

Autogoli - Gazetari i RAI pranon gabimin: Publikon përgjigjet e Agaçit tre ditë pas emisionit ku pretendonte se ai nuk ishte përgjigjur

23 Prill, 22:34