POP 5

Lajmet më të lexuara të 5 minutave të fundit

Ekonomi

FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë

Ekonomia e Shqipërisë do të rritet me 3.3% këtë vit. Ky është vlerësimi i fundit i bërë nga Fondi Monetar Ndërkombëtar, ku theksohet se performanca pozitive do të vijojë edhe në 2025-ën. Sektorët kryesor që po kontribuojnë në rritjen ekonomike janë turizmi dhe ndërtimi.

Ekonomia e Shqipërisë po performon pozitivisht. Vlerësimi i fundit vjen nga Fondi Monetar Ndërkombëtar, ku në raportin e vjeshtës për ekonominë globale ka rishikuar me rritje projeksionet për vitin 2024, duke vlerësuar se ekonomia do të rritet me 3.3% nga 3.1% që ishte vlerësimi i kaluar.

Ecuria pozitive sipas FMN do të vijojë edhe vitin e ardhshëm edhe pse në vlera të ulëta, pasi pritet që ekonomia të rritet me 3.4% në 2025-ën. Motorët kryesorë të rritjes ekonomike mbeten turizmi dhe ndërtimi, fakt ky i konfirmuar edhe nga INSTAT, ku rezultonte se ishin fushat me peshën më të madhe në rritjen ekonomike në gjashtëmujorin e parë të vitit, kur PBB-ja u rrit me afro 4%.

Në vlerësimin që i është bërë ekonomive të Ballkanit Perëndimor nga FMN, rritjen më të lartë thuhet se do e ketë Serbia për këtë vit me 3.9%, ndjekur nga Kosova me 3.8%, Mali i Zi me 3.7% më pas është Shqipëria, për të vijuar me Maqedoninë e Veriut me 2.2% dhe në fund Bosnjë Hercegovina me rritje vetëm 1.6%.

Ky parashikim i FMN është thuajse në të njëjtën linjë edhe me vlerësimin e fundit të bërë nga Banka Botërore, në një raport për vendet e Ballkanit, ku thuhej se ekonomia e Shqipërisë do të rritet me 3.3% këtë vit, e ndikuar kryesisht nga turizmi dhe ndërtimi, ndërsa në vitin që vjen do arrij në 3.4%. Ndërsa qeveria pret që ekonomia të rritet në vlerat 3.8%-4%.

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Çfarë është Jubileu, sa shpesh festohet, kuptimi fetar dhe viti 2033

Çfarë është Jubileu, sa shpesh festohet, kuptimi fetar dhe viti 2033

24 Dhjetor, 17:16