Pas vlerësimit edhe Bankës Botërore edhe Fondi Monetar Ndërkombëtar ka rishikuar në rritje parashikimin për ekonominë e vendit. Në raportin e fundit për ekonominë Globale, FMN thotë se ekonomia e Shqipërisë do të rritet me 3.6%, nga 2.2% që ishte parashikimi i mëparshëm.
Ndërsa parashikimet për vitin 2024 dhe 2025 janë për një rritje ekonomike përkatësisht 3.3% dhe 3.5%.
Në rajon rritja më e madhe ekonomike parashikohet për Malin e Zi, në shifrën 4.5%, ndjekur nga Kosova me rritje 3.8% dhe më pas është Shqipëria.
![](https://shqiptarja.com/template/img/NO_ALFA_Kuadrate shqiptarja.png)
Në raport thuhet se ekonomia botërore është duke çaluar dhe nuk po ecën me shpejtësi për shkak të inflacionit të lartë. Shkak për këtë ecuri sipas FMN-së, është lufta në Ukrainë , ndikimi në tregjet e huaja, rritja e inflacionit dhe e kostove të jetesës. Shumica e vendeve pjesë e analizës së FMN, thonë se inflacioni do të kthehet në objektiv në vitin 2025.
Sipas FMN-së edhe pse situata botërore me çmimet është më e normalizuar, përsëri pasiguria dhe rreziqet mbeten të larta.
(Kliko këtu për të lexuar dokumentin e plotë)
![](https://shqiptarja.com/template/img/antipiracynote.jpg)
![](https://www.shqiptarja.com/template/img/sh_logo1.png)