Shqipëria ka shënuar një ritmë rritjeje të ekonomisë së saj në masën 3.9 për qind gjatë vitit të kaluar. Është ky vlerësimi i Fondit Monetar Ndërkombëtar, i cili ka prezantuar dje në Uashington raportin e Pasqyrës Ekonomike Globale. Sipas këtij raporti, mbetet e pandryshuar pritshmëria për rritjen ekonomike të Shqipërisë në vitin 2018, në 3.7%. Edhe më parë, raportin e tetorit të vitit të kaluar, FMN e kishte ulur pritshmërinë për performancën e Shqipërisë me 0.2 pikë përqindje në 3.7%, shifër që mbahet kështu e pandryshuar edhe në rishikimin e prillit. Ndërkohë FMN ka rritur vlerësimin për rritjen e vendit në 2017-n, nga 3.7% në 3.9%, në krahasim me raportin e tetorit, në linjë dhe me të dhënat e fundit të INSTAT-it, që vlerësoi se ekonomia vendase u zgjerua me 3.84% në vitin 2017.
Sipas FMN, në periudhë afatmesme, rritja mendohet të përshpejtohet lehtë, duke arritur në 3.8% në 2019-n dhe do të vazhdojë të arrijë në 4% deri në vitin 2023. Nga vendet e Ballkanit Perëndimor, me përjashtim të Kosovës, që pritet të zgjerohet me 4%, Shqipëria do të ketë normën më të lartë të rritjes. Më pas renditen Bosnjë dhe Hercegovina me 3.2%, Maqedonia me 3%, Mali i Zi me 2.4%, Serbia me 3.5%.
Sa u përket parametrave të tjerë makroekonomikë, inflacioni pritet të përshpejtohet këtë vit, në 2.8%, nga 1.9% në vitin 2017, duke iu afruar objektivit të shënjestruar të Bankës së Shqipërisë prej 3%. Kurse deficiti i llogarisë korente pritet të ngushtohet në 6.7% të Prodhimit të Brendshëm Bruto, nga 7.2% në 2017-n, duke mbetur gjithsesi më i larti në Europën në Zhvillim, me përjashtim të Malit të Zi.
Ekonomia globale
FMN vlerëson në raportin e saj se në vitin 2017 investimet globale dhe tregtia vazhduan të mbajnë peshën e rritjes. Niveli 3.8 për qind i rritjes ekonomike globale në 2017 ishte më i shpejti që nga viti 2011. Me kushtet financiare favorizuese, rritja globale pritet që të prekë 3.9 për qind, si në vitin 2018, ashtu edhe në 2019. Ekonomitë e avancuara do të rriten më shpejt se potenciali i këtij viti, ekonomitë e zonës euro pritet që të tkurrin zgjerimin e kapacitetit e ndikuar nga politika monetare akomoduese dhe politika fiskale zgjeruese do të çojë ekonominë e Shteteve të Bashkuara mbi punësimin e plotë.
Lajme të tjera
-
FMN i kërkon Bankës së Shqipërisë të ruaj regjim të lirë të kursit të këmbimit! Sejko: Familjet e bizneset në gjendje të mirë financiare
14 Nëntor, 14:01 -
Sejko në Uashington, takim me shefin e FMN-së për Shqipërinë: Inflacioni është në nivelet më të ulëta
26 Tetor, 10:03 -
FMN optimiste: Ekonomia e Shqipërisë rritet me 3.3% këtë vit! Turizmi e ndërtimi ‘motorët’ kryesorë
24 Tetor, 10:17
-
FMN: Përparoni në reformat për PPP-të! Inflacioni pritet të kthehet në objektivin prej 3%
15 Korrik, 17:23 -
Mete takon shefen e FMN-së: Strategjia Afatmesme e Mbledhjes së të Ardhurave drejt finalizimit! Së shpejti në konsultim publik
12 Korrik, 11:18 -
FMN: Moscenimi i pavarësisë së BSH është vendimtar për ruajtjen e stabilitetit financiar
7 Qershor, 11:40 -
FMN: Inteligjenca Artificiale rrezikon 26-40% të vendeve të punës në vendet në zhvillim si Shqipëria
26 Maj, 10:42 -
Analiza: A mund ta zgjidhë FMN-ja krizën e borxhit të vendeve të varfra?
18 Maj, 08:12 -
FMN për tatimin mbi të ardhurat: Hap vendimtar në drejtimin e duhur, vendos drejtësi në sistem!
7 Maj, 08:06 -
Rritja e ekonomisë po ngadalësohet! FMN: Lufta në Ukrainë e konflikti në Gaza e Irak, rrezik për të ardhmen botërore
17 Prill, 17:10
-
FMN: Kursi i këmbimit, nuk nevojitet ndërhyrje nga Banka e Shqipërisë
25 Janar, 16:25 -
Ekonomia e Shqipërisë e qëndrueshme! FMN: Emigrimi dhe plakja e popullsisë, rrezik! Forcimi i lekut ndikoi pozitivisht
12 Janar, 16:32
