NJU JORK - Fondi Monetar Ndërkombëtar, në raportin e fundit të pasqyrës ekonomike globale vlerëson se Shqipërisa do të ketë rritje ekonomike të ulët në afatin e mesëm. Sipas parashikimeve të raportit, rritja për vitin 2013 parashikohet në 1.7%, në nivele të ngjashme me pritshmëritë e qeverisë së re shqiptare, që prej që zgjerimi ekonomik të jetë 1.6%.

Për vitin 2014 pritet që rritja të përshpejtohet lehtë në 2.1%. Bie në sy gjithsesi pesimizmi për rritjen afatgjatë të vendit, që deri në vitin 2018 nuk pritet të jetë më shumë se 2.5%, duke vështirësuar në këtë mënyrë planet e qeverisë për uljen e borxhit dhe hapjen e vendeve të reja të punës.

Çmimet ekonsumit pritet të jenë Brenda objektivitit të Bankës së Shqipërisë prej 2-4%, duke u luhatur nga 2.2% në 2013-n në 3% në 2018-n. Huamarrja neto e qeverisë pritet që të rritet nga 5.5% e PBB-së në 2013-n, në 6.3% në 2014-n, duke qenë shumë më lart se mesatarja e rajonit, prej 2.8% në 2014-n.
 
Redaksia online
(ac/shqiptarja.com)