TIRANE-Tre  armë zjarri, njëra kallashnikov dhe dy pistoleta (njëra prej tyre me silenciator ), 170 fishekë dhe një jelek antiplumb u sekuestruan mëngjesin e sotëm në një operacion banesën e një personi të njohur për forcat e rendit në lagjen Shënkoll.

Gjithashtu, në cilësinë e provës materiale u sekuestruan dy automjete dhe dy telefona celularë. Armët u gjetën në banesën e Ervis Dakës, i cili u arrestua. 33-vjeçari është një emër i njohur për policinë pasi në vitin 2018 së bashku me vëllanë e tij goditën shefin e policisë së rendit në Elbasan.

Në operacionin që u zhvillua në orët e para të ditës së sotme në mbështetje të policisë së Elbasanit në momentin e ndërhyrjes ka qenë edhe RENEA, pasi i riu njihet si person me rrezikshmëri të lartë dhe efektivët i frikësoheshin një reagimi të Dakës.

Armet e sekuestruara ne Elbasan

Ndërkohë që në Kurbin është arrestuar një 35-vjeçar, i cili qarkullonte me armë zjarri me vete. 35-vjeçari me inicialet A.T. iu gjetën nga kontrolli një pistoletë me 9 fishekë. Arma dhe fishekët të riut iu gjetën në makinën tip "Volksëagen".

Materialet i kaluan Prokurorisë së Rrethit Gjyqësor Kurbin, për veprën penale “Armëmbajtja pa leje”, për të cilën parashikohet dënimi me burgim deri në 7 vjet.

1591340861_pistoleta.jpg

Pistoleta e sekuestruar në Kurbin