POP 5

Lajmet më të lexuara të 5 minutave të fundit

Ekonomi

Fondi i kompensimit për ish-pronarët
do shpërndahet pas zgjedhjeve

300 milionë lekë të reja, që përbëjnë fondin e kompensimit monetar për ish-pronarët, caktuar në buxhetin e vitit 2013, do të nisin të shpërndahen pas zgjedhjeve, pasi qeveria të miratojë një akt normativ për të përcaktuar kriteret e shpërndarjes....
Fondi i kompensimit për ish-pronarët<br />do shpërndahet pas zgjedhjeve
TIRANE - 300 milionë lekë të reja, që përbëjnë fondin e kompensimit monetar për ish-pronarët, caktuar në buxhetin e vitit 2013, do të nisin të shpërndahen pas zgjedhjeve, pasi qeveria të miratojë një akt normativ për të përcaktuar kriteret e shpërndarjes, deklaroi dje nënkryetari i Agjencisë së Kthimit dhe Kompensimit të Pronës, Agim Toro, në një intervistë dhënë TV Albanian Screen.

Fondi i kompensimit financiar për pronarët në vitin 2013 është i njëtë me atë të një viti më parë. Ndërkaq, pas 3-4 ditësh pritet të nisë  kompensimi në vlerë monetare për ata pronarë, tokën e të cilëve e kanë zënë ndërtimet pa leje.

"Përsa i përket kompensimit fizik, dhe ky fond i është vënë në dispozicion AKKP, dhe po kryhet hetimi administrativ për të parë realisht si janë në terren këto sipërfaqe toke. Pritet gjithashtu që këtë vit të fillojë procedura", tha Toro.

Në bazë të Vendimit të Këshillit të Ministrave, pronarët që iu është zënë prona, më 2013 do të përfitojnë më shumë se vitin e kaluar, 57% të vlerës, nga 47% që është paguar vitin e kaluar. Këta pronarë do të kompensohen me çmimet e reja të tregut të tokës, që janë vendosur nga Këshilli i Ministrave, me një fond rreth 15 milionë dollarë.

AKKP ka tashmë edhe hartën e tokave që do të shpërndahen për kategorinë që përfiton nga kompensimi fizik, vuri në dukje nënkryetari i AKKP-së.

Shkrimi u botua sot në gazetën Shqiptarja.com (print) 05.06.2013
 
Redaksia Online
(b.m/shqiptarja.com)

  • Sondazhi i ditës:
    26 Nëntor, 23:23

    A po japin rezultat protestat e PD-së?

Lajme të tjera



×

Lajmi i fundit

Autobiografia e Merkel: Vetëm anëtarësimi në BE sjell paqe në Ballkan

Autobiografia e Merkel: Vetëm anëtarësimi në BE sjell paqe në Ballkan

27 Nëntor, 08:33