Fondi për bashkësitë fetare, më
shumë përfiton Komuniteti Mysliman

Mes vendimeve që ka miratuar qeveria në mbledhjen e djeshme është edhe masa e financimit për bashkësitë fetare, e cila nuk ka ndryshuar në krahasim me një vit më parë. Qeveria do të japë 109 milionë lekë për bashkësitë fetare, ku më shumë përfiton komuniteti musliman, 31.4 milionë lekë.

1.Komuniteti Mysliman i Shqipërisë përfiton shumën 31 416 000 lekë, të ndarë në: 11 748 000 lekë, për financimin me gjysmën e pagës minimale buxhetore për 89 punonjës të administratës. 19 668 000 lekë, për financimin me gjysmën e pagës minimale buxhetore për 149 punonjës të institucioneve të arsimit parashkollor, parauniversitar dhe universitar. 

2.Kisha Ortodokse Autoqefale e Shqipërisë përfiton shumën 25 872 000 lekë, të ndarë në: 20 592 000 lekë, për financimin me gjysmën e pagës minimale buxhetore për 156 punonjës të administrates. 5 280 000 lekë, për financimin me gjysmën e pagës minimale buxhetore për 40 punonjës të institucioneve të arsimit parashkollor, parauniversitar dhe universitar.

3.Kisha Katolike në Shqipëri përfiton shumën 25 872 000 lekë, të ndarë në: 5 676 000  lekë, për financimin me gjysmën e pagës minimale buxhetore për 43 punonjës të administratës. 20 196 000 lekë, për financimin me gjysmën e pagës minimale buxhetore për 153 punonjës të institucioneve të arsimit parashkollor, parauniversitar dhe universitar.

3.Kryegjyshata Botërore Bektashiane përfiton shumën 25 840 000 lekë.

Redaksia Online
Al.N/Shqiptarja.com