POP 5

Lajmet më të lexuara të 5 minutave të fundit

Ekonomi

Fondi Shqiptar i Konkurueshmërisë
1.4 mln lekë ndihmë mikrobiznesit

Sipas vendimit të qeverisë Fondi Shqiptar i Konkurueshmërisë do ju japë ndihmë ndërmarrjeve mikro, të vogla dhe të mesme deri në vlerën 1.4 milionë lekë, po asnjëherë më shumë se 70% të kostove të pranueshme.
Fondi Shqiptar i Konkurueshmërisë<br />1.4 mln lekë ndihmë mikrobiznesit
TIRANE - Qeveria shqiptare ka miratuar ndryshimet për krijimin e Fondit Shqiptar të Konkurueshmërisë. Sipas vendimit të qeverisë Fondi Shqiptar i Konkurueshmërisë do ju japë ndihmë ndërmarrjeve mikro, të vogla dhe të mesme deri në vlerën 1.4 milionë lekë, po asnjëherë më shumë se 70% të kostove të pranueshme.

Pjesë e këtyre kostove të parashikuara në vendimin e qeverisë do të jenë:

a) përshtatje produkti, përfshirë ambalazhimin dhe etiketimin, certifikim produkti, vlerësim konformiteti dhe zbatim të sistemeve të menaxhimit të cilësisë; 
b) pjesëmarrje në panaire jashtë vendit;
c) krijim faqeje interneti, zhvillim të tregtisë elektronike dhe promovim, publikim dhe hartim materialesh promovuese;
ç) shërbime këshillimore. Në këtë rast kostot që mund të bashkëfinancohen nuk mund të jenë më shumë se 50 % e kostos totale të këtyre shërbimeve.”.
 
Kostoja për zbatimin e këtij vendimi i cili do zbatohet nga Fondi Shqiptar i Konkurueshmërisë, përgjatë viteve 2013 dhe 2014 do të jetë 20 milionë lekë  në vit, ndërsa në vitin e fundit, atë 2015 vlera do të jetë 28 milionë lekë.

Më poshtë vendimi i plotë i qeverisë:
 
VENDIM PËR DISA NDRYSHIME NË VENDIMIN NR.419, DATË 15.5.2013, TË KËSHILLIT TË MINISTRAVE, “PËR KRIJIMIN E FONDIT SHQIPTAR TË KONKURRUESHMËRISË” 
 
Në mbështetje të nenit 100 të Kushtetutës, të neneve 4, 6, shkronjat “a”, “b”, “d”, “e”, dhe 7, pika 1, të ligjit nr.8957, datë 17.10.2002, “Për ndërmarrjet e vogla e të mesme”, të ndryshuar, dhe të neneve 17 e 18, të ligjit nr.10303, datë 15.7.2010, “Për krijimin dhe mënyrën e organizimit e të funksionimit të Agjencisë Shqiptare të Zhvillimit të Investimeve (AIDA)”, me propozimin e ministrit të Zhvillimit Ekonomik, Tregtisë dhe Sipërmarrjes, Këshilli i Ministrave 
 
V E N D O S I:
 
Në vendimin nr.419, datë 15.5.2013, të Këshillit të Ministrave, bëhen këto ndryshime:
 
1.   Pika 2 ndryshohet, si më poshtë vijon:
  
“2. Fondi Shqiptar i Konkurrueshmërisë u jep ndihmë financiare të drejtpërdrejtë ndërmarrjeve mikro, të vogla dhe të mesme, deri në 1 400 000 (një milion e katërqind mijë) lekë, por në asnjë rast më shumë se 70% të kostove të pranueshme. Në kostot e pranueshme që mund të bashkëfinancohen, përfshihen kostot për:
 
a) përshtatje produkti, përfshirë ambalazhimin dhe etiketimin, certifikim produkti, vlerësim konformiteti dhe zbatim të sistemeve të menaxhimit të cilësisë; 
b) pjesëmarrje në panaire jashtë vendit;
c) krijim faqeje interneti, zhvillim të tregtisë elektronike dhe promovim, publikim dhe hartim materialesh promovuese;
ç) shërbime këshillimore. Në këtë rast kostot që mund të bashkëfinancohen nuk mund të jenë më shumë se 50 % e kostos totale të këtyre shërbimeve.”.
 
2. Në shkronjën “a”, të pikës 3, hiqen fjalët “... dhe që gjatë procesit i japin një vlerë të shtuar të konsiderueshme produktit përfundimtar ...”.
 
3. Në shkronjën “b”, të pikës 3, hiqen fjalët “... për zgjerimin e eksporteve ...”.
 
4. Pika 5 ndryshohet, si më poshtë vijon:
“5. Fondi Shqiptar i Konkurrueshmërisë të zbatohet për një periudhë 3-vjeçare, gjatë viteve 2013 dhe 2014, me një vlerë prej 20 000 000 (njëzet milionë) lekësh për secilin vit, ndërsa për vitin 2015, me një vlerë prej 28 000 000 (njëzet e tetë milionë) lekësh.”.
5. Kudo në vendim emërtimi “Ministri/a i/e Ekonomisë, Tregtisë dhe Energjetikës” zëvendësohet me “Ministri/a përgjegjës/e për ekonominë”.
 
Ky vendim hyn në fuqi pas botimit në “Fletoren zyrtare”.
 
K R Y E M I N I S T R I
 
EDI RAMA
 
Në mungesë dhe me porosi
 
ZËVENDËSKRYEMINISTRI
 
NIKO PELESHI

Redaksia Online
(e.c/shqiptarja.com)

  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

Zjarri në magazinën në Kurbin, rrezikohen banesa! Policia bllokon qarkullimin në aksin Milot-Laç

29 Nëntor, 22:51