Botërori 2026/ Serbia gjunjëzohet në shtëpinë e saj, goli i Manajt çon Shqipërinë në 'qiellin e shtatë'! 'Shpërthen' festa në të gjithë vendin

Për herë të parë në histori, Kupa e Botës 2026 do të zhvillohet me 48 skuadra. 16 ekipe kombëtare europiane do të marrin pjesë në Botërorin që do të mbahet në Kanada, Meksikë dhe SHBA, teksa shanset e Shqipërisë, pas suksesin madhështor në Serbi, duken reale.

12-të vendet e para të grupeve do të kualifikohen direkt në Kupën e Botës 2026, ndërsa 4 vendet e mbetura do të përcaktohen nga faza play-off.

Si do të funksionojë faza play-off për Kupën e Botës 2026?

12 vendet e dyta nga grupet e kualifikueseve marrin pjesë në play-off, së bashku me 4 ekipe nga UEFA Nations League 2024/25 që në bazë të paraqitjeve në grup.

Pra në total vendet e dyta dhe 4 ekipet nga Liga e Kombeve, do të formojnë 8 çifte, nga ku do të dalin edhe 4 skuadrat që shkojnë në Botëror, përveç 12 vendeve të para.

Pra Shqipëria, në qoftë se e mbyll grupin në vendin e dytë, do të përballet me dy kundërshtarë që përcaktohen me short, në fazën “play-off”, për të siguruar një biletë drejt Botërorit.

Notat e ndeshjes

Pas fitores 0-1 në Serbi, 'SofaScore' ka treguar edhe notat e ndeshjes për gjithë futbollistët e Kombëtares. Thomas Strakosha me notën 8.4 ishte më i vlerësuari, ndërsa Broja me notën 6.5 më i dobëti për tanët. Ndërkohë më i dobëti i ndeshjes me notën 6.2 u vlerësua serbi Vlahovic.

Presidenti i Federatës Shqiptare të Futbollit, Armand Duka ka folur për mediat pas fitores së Shqipërisë 0-1 në Serbi, një sukses shumë i rëndësishëm për rrugëtimin drejt finaleve të “Botërorit 2026”:

“E meritonim fitoren. Goli shumë i bukur nga Manaj. Futbollisti padyshim do mërizitet kur humb. Nuk është kollaj të dalë fjala kur nuk merr rezultatin. Ku ka trajnerë të japi besimin, nëse nuk e meriton. Fitore që na mban në lojë. Që të shkosh në Botëror, duhet të derdhësh shumë djersë.

Kemi bërë gjysmën e rrugës. Anglia është padyshim skuadrë shumë e mirë. Jam shumë i lumtur që fituam, po ashtu një ndeshje që dha nota pozitive për futbollin. Një organizim perfekt. Mikëpritje fantastike nga Federata sebe apo edhe futbollistët e tyre.

Nga këto këndvështrime e kaloi klasës. Masat ishin të rrepta. Padyshim edhe kjo e sotmja ka gjëra për të pëmirësuar, por është për bërë shumë progres.

Ne kemi pranuar të luajmë në këtë stadium dhe e kemi mbështetur në të mirën e futbollit. Ndeshja në Leskovc ishte për t’u mbrojtur nga pikëpamja organizative.

Ata, kohët e fundit kanë pasur disa penalitete. Tani është malorja e vërtetë. Kur menduam se kemi pasur ndeshje të lehtë, kemi vuajtur. Fituam një ndeshje shumë të rëndësishme. Djemtë kanë qejft të festojnë”, tha Duka.

Trajneri Dragan Stojkovic i ofroi dorëheqjen drejtuesve të Federatës së Futbollit të Serbisë. Ai nuk do udhëtojë me ekipin në Andorra për sfidën e radhës. Humbja 0-1 me Shqipërinë ka lënë pasoja te Serbia. Kjo nuk është hera e parë që Shqipëria e Sylvinhos ka shkarkuar trajnerë pas fitoreve, pasi e ka bërë me Poloninë dhe Çekinë.

“A kemi lojtarë më të mirë? Nuk e di. Kjo përzgjedhje lojtarësh ka qenë zgjedhja ime. U përpoqa ta zgjidhim këtë ndeshje në favorin tonë. Ose kam gabuar në zgjedhje, ose thjesht kam gabuar, por ja që ndodhi kështu. Kur të largohem, do të largohem me krenari. Ka qenë privilegj të jem trajner i vendit tim. Që kur mora drejtimin, dikush do analizojë nëse ia vlejti apo jo, nëse pati gjëra të mira, mendoj se po, por nuk duhej të ndodhte të humbnim këtë ndeshje. Jo për mua, por thjesht nuk duhej të ndodhte.

Situata është e veçantë sepse nesër udhëtohet për në Andorra. Unë nuk udhëtoj, është e pakuptimtë të shkoj me ekipin. Ua thashë këtë, më dëgjuan. U thashë se me shumë gjasë nuk do shkoj në Andorra dhe se ndeshjen me shumë mundësi do ta drejtojë ndihmësi im, Goran Doroviç.

Kam biseduar tashmë me Presidentin dhe Sekretarin e Përgjithshëm të Federatës dhe si një njeri i përgjegjshëm, kam ofruar dorëheqjen. Këtë humbje nuk e prisja, sidomos ndaj një ekipi që është rivali ynë kryesor për vendin e dytë. Marr përgjegjësi absolute dhe unë jam i vetmi fajtor. Për këtë mos u shqetësoni. Më vjen keq që humbëm, por kështu është sporti dhe jeta. Do ketë kohë të flasim për gjëra të tjera, por si person përgjegjës, kam ofruar dorëheqjen para dy drejtuesve kryesorë të Federatës”, tha Stojkovic në konferencë për shtyp.

Elseid Hysaj luajti ndeshjen e 93-të me Kombëtaren duke barazuar Lorik Canën. Pas fitores 0-1 në Serbi ai foli për mediet.

“Ndeshja më në fund u fitua, 11 vjet për të fituar këtë ndeshje. Kemi gabuar 2 ndeshje, për të cilat mund të ishim duke festuar edhe më shumë. Mos harrojmë që kemi edhe 2 ndeshje të rëndësishme përpara. Gjithë festimi tregon që jemi një grup fantastik. Kemi pasur vështirësi në fillim, por ja që po ia dalim, shpresoj të vazhdojmë kështu. Sulmuesat tanë po shënojnë gola të rëndësishëm.

Unë nuk dal kurrë për të parë fushën, sot dola, iu thashë lojtarëve, që sot është qetë, duket sikur luajmë në Shqipëri, tifozët do të ndizën më vonë dhe kështu u bë.

Loriku e di që rekordet janë bërë për t’u thyer, është krenari për mua, për familjen, kur të rriten fëmijët, do t’iu them që babi juaj është i shkruar në librat e historisë. Mesazhi i parë ishte i gruas, së bashku me 3 fëmijët”, u shpreh Hysaj.

Kombëtarja shqiptare triumfoi 0-1 ndaj Serbisë mbrëmjen e sotme në Leskovac. Në përfundimin e sfidës, autori i golit, Rey Manaj doli në prononcim për mediat.

“E ndjeja që do të shënoja. Jam shumë i kënaqur për të gjithë Shqipërinë dhe Kosovën. Duhet të vazhdojmë sërish sepse kemi edhe dy ndeshje të tjera. Sot çunat dhe ata që ishin në stol e dinim këtë presion të ndeshjes. Presioni ishte më i madh këtu sesa në Tiranë. Atje ishte një atmosferë në shtëpinë tonë, por sot ishte më e ndjeshme.

Me thënë të drejtën jam shumë i kënaqur. Sot besoj se duhet të festojmë dhe nesër do të vazhdojmë të mendojmë për Andorrën. Rëndësi ka të bëj gola. Ky ishte goli më i rëndësishëm i gjithë karrierës sime”, u shpreh Manaj.

Pas fitores historike 1-0 të Shqipërisë ndaj Serbisë, sulmuesi i Kombëtares, Armando Broja, ka folur duke shprehur emocionet e mëdha pas këtij triumfi të rëndësishëm për kuqezinjtë.

“Besoja se do ia dilnim”, tha Broja, duke theksuar besimin dhe përgatitjen që skuadra kishte për këtë përballje. “Që kur erdhëm, të gjithë ishim të motivuar, të gjithë ishim në një mendje për ta fituar ndeshjen, dhe sot e arritëm fitoren”.

Broja vlerësoi lart paraqitjen e ekipit.“Kemi luajtur shumë mirë, u mbrojtëm shumë mirë”, u shpreh ai.

Sulmuesi nuk e fshehu gëzimin e tij për këtë sukses. “Unë jam shumë i gëzuar”. Ai e përshkroi takimin si një ndeshje të vështirë, por theksoi se vendosmëria e lojtarëve bëri diferencën. “E dinim që ishte ndeshje e vështirë, por ne ishim të vendosur për fitore”.

Kapiteni i Kombëtares, Berat Gjimshiti, foli pas suksesit madhështor që kuqezinjtë arritën në transfertë 0-1 ndaj Serbisë. Në prononcimin e dhënë pas ndeshjes, Gjimshiti zbuloi se bashkëshortja serbe e uroi menjëherë pas ndeshjes:

“Emocionet para ndeshjes kanë qenë të shumta. Kam bërë eksperiencë në jëtën e futbollit, di si të përballoj presionin. Unë e kam shumë afër nga shtëpia e gjyshërve. Akoma nuk e kemi realizuar ëndrrën siç duhet, emocionet janë të mëdha. Nga e gjithë bota na kanë ndjekur sot, i kemi bërë të lumtur.

Duhet të kesh kualitet për të luajtur në këto nivele. Unë e njoh Ajetin që 15-vjeç, kemi luajtur edhe te Zvicra. Vendosëm të dy të luanim për Shqipërinë, më shumë se 10 vite që po luajmë bashkë këtu. Gjithë ekipi ka meritë, të gjithë luftuam, dhamë gjithçka në fushë. Ishte arritje e madhe.

Urimi i parë ishte i bashkëshortes dhe familjes. Kishte shumë mesazhe, nuk i kam hapur të gjitha, më të rëndësishmit janë familja, prindërit, gruaja. Ka shumë mesazhe.

Kam luajtur shumë shpesh kundër Vlahoviç, më shumë se 10 herë. Ka përjetuar fazë të vështirë, por cilësitë mbeten. Kishte rast të madh në pjesën e parë. I mbajtëm mirë”, u shpreh kapiteni Gjimshiti.

Trajneri i Kombëtares, Sylvinho, foli pas fitores 0-1 të Shqipërisë në Serbi. Ai tha se ky është një hap i madh për objektivin, por kërkon që t'i mbajë të tijtë me kembë në tokë, duke thënë se janë edhe dy ndeshje për t'u luajtur.

"Tri pikë janë shumë të mira. Jemi në garë dhe një moment të bukur për të festuar. Manaj humbi penallti në sfidën në Tiranë, por rëndësi ka që t'u japim besimin e duhur dhe ata e dinë çfarë të bëjnë.

Zgjedhjet në fushë, Uzuni, Manaj dhe Broja që nuk po shkëlqen...

Unë dua të komplimentoj të gjithë futbollistët. Futbolli është i vështirë, Broja bëri mirë kundër një mbrojtësi si Pavlovic për sa kohë ishte në fushë. Uzuni luajti shumë mirë në një kundër një. Manaj shpërbleu besimin. Të gjithë kanë bërë një ndeshje shumë të mirë.

U diskutua e ardhmja juaj pas këtij takimi. Tani që fituar, a do i shkarkoni ju të tjerët?

Ma kanë bërë në Shqipëri këtë pyetje dhe dje ma bëri edhe një gazetar serb. Do përgjigjem njësoj. Për atë mendoj unë. Jam koshient për punën dhe përgjegjësinë që kemi. Janë edhe dy ndeshje. Të ardhmen e vendos unë.

Puna e trajnerit...

Ndeshjet janë bërë të mira dhe kemi një raport të mirë me gazetarët. Puna e tyre është që të nxjerrin diçka.

Rasti i humbur në fund nga Nedim Bajrami?

Ishte i zhgënjyer. Kur u fut në fushë i thashë që të gjente portën dhe të godiste. Edhe portieri u vendos mirë dhe e ndaloi. Kishte rritëm të mirë Bajrami.

Mesazhi për tifozët e Kombëtares që po festojnë...

Jam krenar për të gjithë. Është një dedikim për të gjithë. Na mungojnë edhe dy takime, kemi shumë për të bërë dhe kemi rrugë para sepse gjithçka është e hapur. Kjo nuk ka ndodhur në historinë e Shqipërisë. Kjo fitore është për gjithë kombin. Një dedikim edhe për Hamdi Salihin", tha Sylvinho.

Myrto Uzuni foli pas fitores 0-1 të kombëtares shqiptare në Serbi.

“Kur thërritesh në ekip jep gjithçka në fushën e lojës. Isha i gatshëm, prisja momentin, për këtë komb jam gati të jap çdo gjë, edhe të vdes në fushë madje. Unë jam i gatshëm, luaj aty e sakrifikoj për ekipin.

Nuk më intereson edhe nëse luan si mbrojtës i majtë. E kisha një kundërshtar të fortë si Pavloviç, duhet të mbroja e ndihmoja Hysajn. Ishte fitore e madhe, ka bërë një punë të madhe trajneri e stafi e jam i lumtur që hymë në histori. Unë thjesht jam i përgatitur, studiova kundërshtarët duke i parë në video personale, unë jetoj për këtë, i dedikoj kohën futbollit. Dhe a jemi lajv?", tha ai.

Gjatë ndeshjes Serbi 0-1 Shqipëri në Leskovac, tifozët serbë hodhën thirrje raciste kundër shqiptarëve si 'vrite shqiptarin' apo 'Kosova është Serbi'. Për këtë ka reaguar edhe Federata e Kosovës e Futbollit, që thotë se do e dërgojë çështjen në UEFA.

Njoftimi i plotë nga FFK:

FFK dënon thirrjet kundër Kosovës dhe banderolat provokuese në ndeshjen Serbi – Shqipëri

Federata e Futbollit e Kosovës dënon ashpër thirrjet në kor kundër Kosovës dhe mesazhet provokuese të shfaqura në tribunat e stadiumit të Leskovcit me flamurin serb mbi hartën e Kosovës gjatë ndeshjes ndërmjet Serbisë dhe Shqipërisë.

Këto skena për fat të keq nuk janë të reja në stadiumet serbe, ku nxitja e urrejtjes dhe mesazhet fyese ndaj shteteve fqinje vazhdojnë të përsëriten pa ndëshkim të mjaftueshëm. FFK vlerëson se veprime të tilla bien ndesh me frymën sportive, me parimet e respektit dhe me vlerat që UEFA dhe FIFA përfaqësojnë.

Në këtë drejtim, FFK do të paraqesë një notë proteste në UEFA, duke kërkuar që të ndërmerren masa të qarta dhe të rrepta ndaj Federatës së Futbollit të Serbisë për këto akte të përsëritura, që dëmtojnë imazhin e futbollit dhe cenojnë parimet e UEFA-s dhe FIFA-s.

Njëkohësisht, Federata e Futbollit e Kosovës uron Kombëtaren e Shqipërisë për fitoren e merituar 1:0 ndaj Serbisë, një fitore që pasqyron karakterin, përkushtimin dhe forcën e futbollit shqiptar.
Federata e Futbollit e Kosovës do të vazhdojë të mbrojë me dinjitet vlerat e sportit, të respektit dhe të barazisë mes popujve, duke kërkuar që çdo fushë futbolli në Evropë të jetë vend i lojës dhe jo i urrejtjes.

Pas fundit të ndeshjes dhe fitores 0-1 të Shqipërisë në Serbi, policia serbe ka shoqëruar një operator shqiptar që ndodhej në tribunë. 'Gabimi' i tij ishte festa me fanellën e Kombëtares. Diçka e pabesueshme, por e vërtetë nga organizatorët dhe siguria.  

Festë e madhe e Kombëtares në dhomat e zhveshjes pas fitores 0-1 në Serbi. Trajneri Sylvinho ka komplimentuar futbollistët hipur mbi tavolinë.

'Urime të gjithëve, e pabesueshme. Ju meritoni më shumë", thotë mes të tjerëve trajneri, ndërsa futbollistët e çojnë peshë me thirrjet 'o sa mirë me qenë shqiptar'.

Rey Manaj ka shkruar historinë në Serbi. Sulmuesi kuqezi i dha avantazhin kombëtares së Shqipërisë në fundin e pjesës së parë, duke ndezur entuziazmin në pankinë dhe në çdo cep të stadiumit ku ndodheshin ata pak tifozë shqiptarë të zgjedhur. Festa ishte e çmendur dhe plot emocione. Manaj ngriti duart në simbolin e shqiponjës dykrenare, ndërsa lojtarët dhe stafi shpërthyen në përqafime. 

Nga tribuna, megjithatë, tifozët serbë reaguan me zemërim, duke hedhur thirrje fyese si “Vrite shqiptarin”, në shkelje të hapur të rregullave të UEFA-s dhe FIFA-s, që ndalojnë përfshirjen e politikës dhe urrejtjes etnike në futboll.

Rey Manaj kaloi në avantazh Shqipërinë në Serbi. Në minutën e parë shtesë të pjesës së parë, Asllani hodhi një top në zonë. Në rrëmujë e sipër Ajeti nuk godet dot dhe devijimi i mbrojtësit kthehet në një asist për Manaj, i cili me një të djathtë të fuqishme e dërgoi topin në rrjetë duke festuar me 'shqiponjë'. Ky ishte goli i 11-të i Manajt me Kombëtaren.

93 ndeshje ka luajtur Elseid Hysaj me Kombëtaren, duke barazuar ish-kapitenin legjendar Lorik Cana. Në përballjen kundër Serbisë, Hysaj ia del të barazojë Canën me ndeshje si kuqezi.

Në momentin që në stadium po luhej himni kombëtar i Shqipërisë, nuk kanë munguar fërshëllimat nga tifozët serbë.

Ndihmëstrajneri i Shqipërisë, Pablo Zabaleta tha se trajneri i Kombëtares, Sylvinho zgjodhi Uzunin nga minuta e parë pasi ai është mjaft i shpejtë dhe mund të jetë opsion i mirë sonte.

“Uzuni është ndryshimi ynë i vetëm nga ndeshja e fundit me Serbinë, trajneri vendosi kështu, e dimë se sa i shpejtë është ai me topin, ai mund të jetë një opsion i mirë sonte”, tha Zabaleta për Supersport.

Më pak se një orë nga nisja e ndeshjes mes Serbisë dhe Shqipërisë, atmosfera në stadiumin e Leskovacit duket e vakët. Ekipi kuqezi është shoqëruar për në stadium me forca të shumta policie, ndërsa tifozët serbë që do jenë në stadium janë të ftuar dhe do futen në impiant me karta identiteti dhe me kontrolle të shumta.

Pas afro 40 minutash udhëtim nga Nishi drejt Leskovacit, Kombëtarja dhe stafi kuqezi kanë mbërritur rreth orës 19:20 në stadiumin 'Duboçica' ku në orën 20:45 luhet Serbi - Shqipëri. Forca të shumta të policisë serbe shoqëruan ekipin tonë.

Pjesëtarët e Ministrisë së Punëve të Brendshme të Serbisë, kanë arrestuar një 35-vjeçar me nënshtetësi italiane me iniciale EE, pasi u gjet një bluzë me mbishkrimin UÇK,.

Sipas autoriteteve serbe, dyshohet se ai kryer veprën penale të nxitjes së urrejtjes dhe intolerancës kombëtare, racore dhe fetare.

Në pikën kufitare të Merdar, policia, pasi kontrolloi makinën “Pezho” të drejtuar nga i dyshuari, gjeti një çantë në bagazhin e makinës, e cila përmbante një bluzë të gjelbër me simbole të UÇK-së, informojnë mediat serbe.

EE u ndalua deri në 48 orë dhe do të dërgohet në Prokurorinë e Lartë Publike në Prokuplje së bashku me një kallëzim penal.

Ndërsa dy ditë më parë, ndaloi po në Merdar, ndaloi një 53-vjeçar i cili kishte 5 çanta me fanela dhe flumur me simbole të UÇK.

Formacionet zyrtare, Serbi - Shqipëri

Trajneri i Kombëtares, Sylvinho ka bërë publik edhe formacionin zyrtar për ndeshjen kundër Serbisë. Me Brojën, Uzunin dhe Manaj në sulm luan braziliani, duke vënë re që se ekipi është sulmues. Serbia luan me skemën 3-4-1-2.

Formacionet zyrtare:

Serbia (3-4-1-2): Petrovic; Milosavljevic, Veljkovic, Pavlovic; Maksimovic, Stankoviç, Zivkovic, Kostic; Samardzic; Vlahovic, Mitroviç Trajner: Dragan Stojkovic

Shqipëria (4-3-3): Strakosha; Hysaj, Ajeti, Gjimshiti, Mitaj; Asllani, Shehu, Laçi; Broja, Uzuni, Manaj Trajner: Sylvinho

Me uniformën e bardhë do përballet sot Shqipëria kundër Serbisë në Leskovac. Duke qenë udhëtues, tanët janë detyruar të luajnë me fanellën e dytë.

Kombëtarja shqiptare e futbollit ka lënë hotelin në Nish dhe nën masa të forta nga policia serbe është nisur drejt stadiumit të Leskovacit, aty ku në 20:45 luhet Serbi - Shqipëri. Diçka më shumë se 40 kilometra rrugë do përshkojnë kuqezinjtë me autobus, për të shkuar në impiantin e ndeshjes.