Formacionet zyrtare/ Inter në fushë me ndryshime, te Slavia luan ish-futbollisti i Skënderbeut

Interi i Antonio Conte-s do të debutojë sot në Champions League përballë Slavia Praga-s në një ndeshje ku fitorja është detyrim. Kjo pasi dy rivalët e tjera të grupit, Barcelona dhe Dortmund, janë kundërshtarë të cilët vështirë se gabojnë.

Për këtë sfidë pak më parë dy klubet kanë publikuar edhe formacionet zyrtare, ku nuk kanë munguar surprizat. Te Inter në mesin e fushës nuk do të jetë as Barella dhe as Vecino, por Gagliardini. Ndërkohë në prapavijë Skriniar dhe De Vrij do të jenë të mbështetur nga Dambrosio.

Te Slavia Praga bie në sy se në sulm do të luajë nga minuta e parë Peter Olyainka, ish-futbollisti i Skënderbeut.

INTER: Handanoviç, Shkrinjiar, De Vraj, D’Ambrozio, Kandreva, Sensi, Brozoviç,  Galjardini, Azamoah, Lukaku, Lautaro. Trajner: Antonio Konte.

SLAVIA PRAGA: Kolar, Kufal, Kudela, Hovorka, Boril, Suçek, Husbauer, Traore, Stanciu, Masopust, Olainka. Trajner: Jindriç Trpisovski.

Ne.k./a.k./Shqiptarja.com
Komento