Liverpuli mbreti i ri i Europës, rikthehet në majë pas 14 vitesh, shuhet ëndrra e Totenhem

Liverpuli është mbreti i Europës. Ekipi i drejtuar nga Jurgen Klop është fituesi i UEFA Champions League për këtë sezon, pasi mposhti me rezultatin e pastër 2-0 Totenhem në finalen e zhvilluar në stadiumin "Wanda Metropolitano" në Madrid. Të kuqtë shënuan dy herë në fillim dhe në fund të ndeshjes. Në sekondën e 30, sapo kishte filluar ndeshja Mane fitoi një penallti, e cila u kthye në gol nga Salah, që nuk gaboi nga pika e bardhë e penalltisë.

Pjesa e parë  u mbyll me këtë rezultat, ndërsa e dyta nisi me vrull nga Totenhem në kërkim të barazimit, por pësoi të dytin këtë herë me Divock Origi, 3 minuta nga fundi. Edhe pse nuk pushoi deri në fund së tentuari dhe besuari, Totenhemi nuk e gjeti rrugën e rrjetës, pasi Liverpuli mbrojti mjaft mirë rezultatin duke ngritur në qiellin e Madridit për herë të gjashtë në histori trofeun.

Në ndeshjen e sotme u regjistrua edhe një episod, pasi një vajzë “pushtoi” fushën e blertë të stadiumit duke bërë të domosdoshme ndërhyrjen e forcave të sigurisë për ta nxjerrë. Ajo është identifikuar si Kinsey Wolanski, e dashura e Vitaly Zdorovetskiy, i cili është themeluesi i një faqeje pornografike.

Ne.k.//Shqiptarja.com

TAG:
• champions league
• liverpool
• Tottenham