Formula 1, Sebastian Vettel do të niset i pari edhe në Azerbajxhan

Sebastian Vettel me Ferrari ka siguruar sot “pole position” në pistën e Baku, në garën e 4-t sezonale të Formula 1, atë të Çmimit të Madh të Azerbajxhanit, e cila do të zhvillohet nesër (starti ora 14:10).

Një paraqitje e shkëlqyer e pilotit gjerman të “kokëkuqes”, që pas një të premte zhgënjyese, sot bëri një xhiro perfekte, duke dhënë kohën 1’41”498.

Në vendin e dytë u rendit Lewis Hamilton me Mercedes, duke e nisur garën nga vija e parë e startit, në krah të Vettel, ndërsa i treti u rendit Valtteri Bottas (Mercedes).

LEXO EDHE:
Formula 1/ Red Bull njofton largimin e Adrian Neway pas 18 vitesh, e presin te Ferrari

Ky është “pole” i tretë radhazi për Vettel, që po bën një paraqitje të shkëlqyer me Ferrarin e tij këtë sezon. Në vendet 4-5 u klasifikuan dy makinat Red Bull, me Daniel Ricciardo që ishte më i shpejtë se shoku i tij i skuadrës Max Verstappen.

Ata kanë pas makinën tjetër Ferrari, atë të Kimi Raikkonen, i gjashti edhe pse ishte më i shpejti në dy sesionet e mëparshme, por gaboi në xhiron e fundit.

TAG:
• formula 1
• Sebastian Vettel

Sondazhi i ditës:

A besoni se do realizohet vota e diasporës për zgjedhjet e ardhshme?

• Po

  21.8%

• Jo

  69.2%

• Nuk e di

  9%

Vota total: 156

• Sondazhi i ditës:

  A besoni se do realizohet vota e diasporës për zgjedhjet e ardhshme?

  Po Jo Nuk e di