TIRANE- Pensioni i ish-ushtarakëve ka pësuar një ulje vitet e fundit. Humbja e dosjeve, vendimi i 2010-s dhe formula e llogaritjes janë disa nga arsyet që ish-ushtarakët marrin më pak të ardhura. Pas ankesave që shumë rezervistë kanë paraqitur pranë gazetës, ditën e djeshme Instituti i Sigurimeve Shoqërore shpjegoi arsyet pse nuk njihen vitet e punës dhe çfarë ka ndodhur me llogaritjen e pensionit.

“Një pjesë e ish-ushtarakëve ngrejnë dyshime se pse nuk njihen vitet e shërbimit, por kyështë një problem i disa insitucioneve që nuk kanë ruajtur dosjet dhe ne si institucion na kërkohet që ti njohim këto vite shërbimi, pa vërtetimet përkatëse. Një gjë e tillë nuk ka për të ndodhur, pasi vitet e shërbimit vërtetohen nga dokumentat dhe jo nga fjalët”, - u shprehën burime pranë ISSH-s. Gjithashtu specialistët pranë Institutit të Sigurimeve Shoqërore shpjegon arsyet se pse ulen përfitimet për një pjesëtëish-ushtarakëve.