Formulari i ri për tatimin e profesionisteve të lirë nuk është gati, deklarimi i të ardhurave do bëhet me formularët ekzistues

Ministria e Financave nuk ka arritur të hartojë formularin e ri mbi bazë të së cilit, profesionistët e lirë do të deklarojnë fitimet, të ardhurat dhe tatimin që do të paguajnë. Për këtë arsye prej 1 janarit kur hyn në fuqi edhe taksimi me fasha i profesionistëve të lirë që ofrojnë shërbimet profesionale, formularët që do të përdoren për deklarimin e të ardhurave dhe të pagesës së tatimit mbi të ardhurat dhe tatimit të mbajtur në burim, do jenë ato ekzistuese. Ndërsa me formularët e ri do të procedohet në vitin 2025..

Me aktin normativ të miratuar nga qeveria për ndryshimin e ligjit për tatimin mbi të ardhurat, shtyhet edhe afati i vënë për njohjen e shpenzimeve për profesionistët e lirë të domosdoshme për aktivitetin e tyre. Zbritja e shpenzimeve nuk do ju njihet nga 1 janar 2024, por nga 1 janar 2025.

Ministria e Financave ka shpjeguar se tatimi i të ardhurave për këto kategori do të bëhet pasi nga totali i të ardhurave do ti zbritet një shumë e supozuar shpenzimesh të domosdoshme për aktivitetin e tij dhe jo vetëm.

Ndërkohë qeveria ende nuk ka miratuar as listën me kategoritë e profesioneve që do të fillojnë të taksohen prej vitit që vjen.

Prej 1 janarit 2024 profesionistët e lirë në të gjithë vendin që ofrojnë shërbime profesionale do të tatohen me dy fasha 15% kur fitojnë deri 14 milionë lekë dhe 23% kur marrin mbi këtë shumë.

Akti normativ shtyn për në 1 janar 2025, edhe rritjen e fashës për punonjësit që do të paguajnë 23% për të ardhurat nga punësimi. Ligji parashikonte që prej 1 janarit 2024, qytetarët që kishin të ardhura nga punësimi mbi 2 milionë lekë, do të paguajnë tatim 23%, por afati është shtyrë me një vit.

K.M/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    FSHF rinovon kontratën me trajnerin e Kombëtares Sylvinho, a jeni dakord?



×

Lajmi i fundit

1/3 e listës së deputetëve e mbyllur, ironizon Sefa: Do shtohen bluzat ‘Free Berisha’ në treg

1/3 e listës së deputetëve e mbyllur, ironizon Sefa: Do shtohen bluzat ‘Free Berisha’ në treg