Këtë vit në qendër të takimit të Forumit Botëror Ekonomik në Davos janë diskutimet për pasojat ekonomike të luftës në Ukrainë, krizën energjitike dhe një recesion të mundshëm ekonomik në botë. Të hënën (16.01) fillon punimet Forumi Ekonomik Botëror, në Davos si gjithmonë para një skene dimërore të mbuluar me borë. Lufta në Ukrainë dhe pasojat në ekonomi do të sundojnë edhe këtë herë takimin në alpet zvicerane.
Kohë të pasigurta
Në Davos vijnë krerë politikë nga e gjithë bota, liderë të ekonomisë, figura të njohura dhe aktivistë të klimës. Ky forum zhvillohet në një kohë kur ekonomia botërore ndodhet nën presion të madh për shkak të inflacionit të lartë, krizës së energjisë, ndërprerjeve të zinxhirëve të furnizimit si pasojë e luftës, si edhe rishpërthimit të pandemisë Covis-19 në Kinë. "Krizat ekonomike, ekologjike, sociale dhe gjeopolitike bashkohen dhe krijojnë një të ardhme ekstremisht të pasigurtë dhe të paparashikueshme", thotë Klaus Schwab, themelues i Forumit Botëror Ekonomik në Davos. "Takimi vjetor në Davos do të ndikojë që përgjegjësit të mos ngecin në mentalitetin e krizës."
Në takimin 5-ditor që zhvillohet nën moton "Bashkëpunim në një botë të fragmentuar", priten krerë nga 50 shtete të botës. Mes tyre edhe kancelari gjerman, Olaf Scholz, presidentja e Komisionit Europian, Ursula von der Leyen, dhe kryeministri spanjoll, Pedro Sanchez. Priten edhe presidentë të sapozgjedhur si presidenti koreano-jugor, Yoon Suk-yeol, ai kolumbian, Gustavo Petro dhe presidenti filipinas, Ferdinand Marcon Jr. Nga SHBA vjen ngarkuari i presidentit Biden për klimën, John Kerry dhe e ngarkuara për tregtinë, Katherine Tai. Nga Rusia nuk ka asnjë pjesëmarrës. Forumi i ndërpreu marrëdhëniet pas sulmit rus mbi Ukrainë.
Frika nga recesioni
Takimi i 53-të në Davos zhvillohet para turbulencave të forta të ekonomisë botërore. Drejtoresha e Fondit Monetar Ndërkombëtar, Kristalina Georgieva paralajmëron, se një e treta e të gjitha ekonomive të botës do të mund të bjerë në recesion këtë vit. Lufta në Ukrainë dhe sanksionet kundër Rusisë kanë çuar në ngushtica të mëdha të furnizimit me energji. Megjithëse inflacioni në SHBA dhe Europë duket se ka arritur pikën kulmore, ende ai gjendet në një nivel shumë të lartë. Kjo i detyron bankat e bankënotave të ndërmarrin masa të ashpra. Normat e larta të interesit çojnë sërish në kosto të larta rifinancimi në një fazë të stanjacionit ekonomik dhe shtojnë rrezikun e një krize globale të borxheve.
Në një studim të fundit të FMN-së për vlerësimin e rrezikut u vlerësuan si rreziku më i madh i drejtpërdrejtë kostoja e lartë e jetesës shkaktuar nga pandemia dhe marshimi rus në Ukrainë. Sipas të dhënave ngushticat në furnizimin me energji dhe artikuj ushqimorë mund të zgjasin edhe dy vjet të tjera. Presidenti i Forumit Ekonomik Botëror, Borge Brende deklaroi, se "takimi i Davosit zhvillohet në sfondin e gjendjes më të komplikuar gjeopolitike dhe ekonomike. Ndodhet shumë në lojë për ekonominë botërore, që duhet të shmangë një rececion botëror, ngadalësimin e rritjes ekonomike, inflacionin e lartë dhe borxhet në rritje." Për herë të parë pas pandemisë, takimi i Davosit zhvillohet në kushte normale si konferencë me prezencë në alpet zvicerane./ DW
Lajme të tjera
-
Samiti i Davosit, Macron: Të kemi një Evropë më sovrane! BE të investojë për inovacionin e AI! Zelensky: Po humbëm luftën, Rusia konflikt me NATO-n
18 Janar, 17:07 -
FOTO/ Forumi ekonomik i Davos, Kurti dhe Vuçiç në të njëjtin panel diskutimi në Zvicër
18 Janar, 09:26 -
Kurti në Davos takon zyrtarin e lartë amerikan, ja çfarë u diskutua
16 Janar, 23:00 -
Forumi i Davosit: Dezinformimi rreziku më i madh global në vitin 2024
14 Janar, 20:07 -
Davosi, të pamundurit dhe 'inati' i shqiptarëve
28 Janar 2023, 10:04
-
Rama në Davos: Nëse do aplikonit standardet që na kërkoni ne, gjysma juaj nuk ishin në BE! Të mbështetet me fonde Ballkani Perëndimor
19 Janar 2023, 20:29 -
FOTOLAJM/ Krerët e Ballkanit Perëndimor të gjithë bashkë në Davos, veçohet Vuçiç! Qëndron i vetmuar pas në karrige: Mësuesit s’kanë qejf të ulen në rreshtin e parë
19 Janar 2023, 15:50 -
Agonia e Davos-it!
18 Janar 2023, 16:04
-
Rama nga Davos: Sulmet kibernetike rrezikojnë botën, vetëm një koalicion i madh garanton sigurinë e të gjithëve
18 Janar 2023, 15:53 -
VIDEO-LAJM/ Rama nga Davos: Ju prezantoj me shqipet që mbrojnë Zvicrën
18 Janar 2023, 15:31 -
Kurtin dhe Vuçiçin ‘i bashkon’ Forumi Ekonomik në Davos, por ‘i ndan’ Lajçak! I dërguari i posaçëm i BE zhvillon takime të veçanta me dy liderët
18 Janar 2023, 14:39 -
Kissinger në Davos: Dikur isha kundër Ukrainës në NATO, kisha frikë se do shkaktonte luftën! Tani jam kundër përballjes Përendim-Rusi
17 Janar 2023, 21:41
